Еженедельная региональная аграрная общественно-политическая газета, г.Костанай, ул.Тәуелсіздік 83, Офис 623, 54-08-30, 91-78-51 kostanay-agro@mail.ru

Мы в соцсетях

Shaǵyn nesıe – kásipke qoldaý

«Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń ekinshi baǵyty sheńberinde qalalarda shaǵyn nesıelendirý jumystary oıdaǵydaı júzege asyrylýda. Aǵymdaǵy jyly bul maqsatqa 703,8 mln teńge qarastyrylypty. Al, shaǵyn nesıe alyp, óz isin bastap jatqandardyń denin áıelder qurap otyrǵan kórinedi. Bul týraly óńirlik komýnıkasıalar qyzmeti alańynda ótken brıfıńte oblystyq kásipkerlik jáne ındýstrıaldyq-ınnovasıalyq damý basqarmasy basshysynyń mindetin atqarýshy Roza Goránnaıa aıtyp berdi.

-Aǵymdaǵy jyldyń segiz aıynda ekinshi deńgeıli bankter shaǵyn nesıelendirý boıynsha 594 mln teńgege 50 jobany maquldady. Shaǵyn nesıeniń ortasha chegi 12 mln teńgeni qurady. Sonymen qatar, 109,8 mln teńge somasyndaǵy qarajat qaldyǵyna bankter de ótinim qabyldady. Tutastaı alǵanda, halyqtyń ál-aýqatyn jaqsartýǵa baǵyttalǵan baǵdarlamany iske asyrý oń áleýmettik-ekonomıkalyq nátıje berýde, — deıdi R.Goránnaıa.

2017 jyldan bastap oblys qalalarynda shaǵyn nesıe alýshylar búdjetke 350 mln teńge salyq aýdarymdaryn aýdarǵan, sondaı-aq 670-ten astam jańa jumys oryndary quryldy. Budan basqa shaǵyn nesıeleýdiń arqasynda qalalarda 57 jańa startap-joba, sonymen qatar 16 jas kásipker jobasy iske qosyldy.