Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Zamanaýı zaýyt salynady

Qostanaı qalasynda ónerkásip ónimin óndirý kólemi 450 mlrd teńgege jetti. Bul týraly turǵyndarǵa esep berý kezdesýinde oblys ortalyǵynyń ákimi Qaırat Ahmetov málim etti.

Qostanaı qalasynda ınvestorlar úshin barlyq jaǵdaı jasalǵan. Sonyń arqasynda óńir ekonomıkasy ilgerilep, óndiris kólemi artyp keledi. 2019 jyly qalada 10,2 mlrd teńgege 4 iri ınvestısıalyq joba iske asyryldy. Qýaty jylyna 500 traktorǵa deıin shyǵarylatyn «Kıroves» traktorlaryn óndiretin zaýyt paıdalanýǵa berildi. Jobaǵa 1,7 mlrd teńge quıyldy. «Salamat» seriktestigi táýligine 1000 tonna óndiretin dıirmen keshenin jáne syıymdylyǵy 30 myń tonna astyq saqtaý qoımasyn paıdalanýǵa berdi.

«Indýstrıalandyrý kartasynan tys jumys istep turǵan óndiristerdi keńeıtý boıynsha 3,8 mlrd teńgege 2 joba iske asyryldy. «Baıan-Sulý» aksıonerlik qoǵamy kondıterlik qant ónimderin óndirý úshin jabdyqtar satyp aldy, jobanyń quny 3,3 mlrd teńgeden asyp, 23 jumys orny quryldy. Qarajat Qazaqstannyń Damý Banki jáne Dúnıejúzilik banktiń halyqaralyq qarjy korporasıasy esebinen júzege asyrylady. «Astyq» elevator jabdyǵynyń zaýyty» JShS syıymdylyǵy 150-den 3000 tonnaǵa deıin astyq saqtaý qoımalaryn óndirý jumysyn bastady», — dedi oblys ortalyǵynyń ákimi Qaırat Ahmetov baıandamasynda.

Osy jyly quny 110 mlrd teńge bolatyn 5 ınvestısıalyq joba júzege asady. Solardyń biri – «BEEF EXPORT GROUP» JShS kompanıasynyń zamanaýı et kombınaty kesheni. Qazir qurylys jumystary bastaldy. Bul kásiporyn jylyna 110 myń bas iri qara maly jáne 132 myń bas usaq maldyń etin óndeýge qaýqarly. Jobanyń jalpy quny – 5,3 mlrd teńge.

Оblys ortalyǵynyń ákimiQaırat Ahmetov aıtqandaı, jyl qorytyndysy boıynsha júrgizilgen jumystyń nátıjesinde negizgi kapıtalǵa salynǵan ınvestısıalardyń jalpy kólemi 84,4 mlrd teńgeni qurady, bul ótken jyldyń deńgeıine qaraǵanda 5%-ǵa artyq.