Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Óńdeý zaýyty salynbaq

Qostanaı oblysynda metal synyǵyn qaıta óńdeý zaýyty salynady. Bul týraly qala jáne aýdan ákimderimen ótken keńeste oblys ákimi Arhımed Muhambetov aıtty, dep habarlaıdy oblys ákiminiń baspasóz qyzmeti.

Oblystaǵy aýqymdy jobany «Operator ROP» JShS iske asyrady.

«Bul eski mashınalar men aýyl sharýashylyǵy tehnıkalaryn qabyldaıtyn metal synyqtaryn óńdeıtin zaýyt bolady. Zaýyt Qaraǵandy qalasynyń úlgisinde jasalady. Men atalmysh JSHS-men kelissózder júrgizdim. Kelesi aptada olardyń kelýin kútemiz, memorandýmǵa qol qoıamyz. Zaýyt ındýstrıalyq aımaq aýmaǵynda salynatyn bolady», — dedi Arhımed Muhambetov.

Óńir basshysynyń sózinshe, qazir aýyl sharýashylyǵy mashınalaryn jasaý jaqsy damyp keledi. Eski tehnıkany qaıta óńdeýge bolady. Zaýytty salýǵa 2-3 mlrd teńge jumsalady dep kútilýde. Bul másele Úkimet deńgeıinde talqylanǵan. Jalpy, oblys aýmaǵynda jyl saıyn 250 myń tonna qatty turmystyq qaldyq paıda bolady.

Byltyr óńirde 40 polıgon joıylyp, alty kásiporyn qaldyqtardy óńdeýge qatysty. Aımaq basshysy qala jáne aýdan ákimderine ruqsat etilmegen polıgondardyń aldyn alý, al zań buzýshylyqtarǵa jol bergenderdi jaýapqa tartýdy tapsyrdy.

– İri jobany «Operator ROP» seriktestigimen birlese otyryp júzege asyramyz. Bul eski avtokólikter men aýyl sharýashylyǵy tehnıkalaryn qabyldap, metal synyqtaryn qaıta óńdeıtin zaýyt bolady. Zaýyt Qaraǵandy úlgisinde jasalady. Taıaýda ǵana qos tarap ózara kelissóz júrgizdik. Aldaǵy aptada seriktestik basshylary Qostanaıǵa keledi. Memorandýmǵa qol qoıamyz. Zaýyt Qostanaıdaǵy ındýstrıalyq aımaqta salynatyn bolady. Onyń ústine, bizde qazir aýyl sharýashylyǵy mashınalaryn jasaý jaqsy damyp keledi. Eski tehnıkany qaıta óńdeýge múmkindik bar. Kásiporyn arzan, nebary 2-3 mlrd teńge turady. Bul máseleni biz Úkimet deńgeıinde de talqyladyq, — dedi oblys ákimi Arhımed Muhambetov.

Jalpy, Qostanaı oblysyndaǵy polıgondarda jyl saıyn 250 myń tonna qatty turmystyq qaldyq jınalady. Olardy qaıta óńdep, geotekstıl, geokompozıt, gaz jáne sý jiberetin polıetılendi qubyr, tósenish tas, qudyq qaqpalary, jumyrtqa uıashyqtary sıaqty 10 túrli ónim shyǵaratyn 6 kásiporyn bar.