Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Qoǵamdyq tártip baqylaýda

2020 jyldyń 19 naýryzynda Óńirlik komýnıkasıa qyzmetiniń alańynda Qostanaı oblysy Polısıa departamentiniń qyzmetkerleri Tótenshe jaǵdaı kezinde qoǵamdyq tártipti saqtaý jáne kóshi-qon máseleleri boıynsha túsinik berdi.

Qostanaı oblysy Polısıa departamentiniń Jergilikti polısıa qyzmeti basqarmasynyń bastyǵy polısıa podpolkovnıgi Qurmet Májikenov tótenshe jaǵdaı kezinde qoǵamdyq tártipti saqtaýdy jáne azamattardyń qaýipsizdigin qamtamasyz etý jónindegi sharalar týraly aıtyp berdi.

  -Tótenshe jaǵdaı engizilýine baılanysty jeke quram qyzmet atqarýdyń erekshe rejımine aýystyryldy, jedel shtab pen jumys toby quryldy, ol densaýlyq saqtaý organdarymen jáne jergilikti atqarýshy organdarmen tyǵyz ózara qarym-qatynas jasaıdy. Sondaı-aq, polısıa jasaqtarynyń sany da artady. Patrúldeý baǵyttary tirshilikti qamtamasyz etý nysandaryna barynsha jaqyn. Budan basqa, asa mańyzdy memlekettik jáne strategıalyq nysandardy qorǵaý kúsheıtiletin bolady,-dep atap ótti Qostanaı oblysy Polısıa departamentiniń Jergilikti polısıa qyzmeti basqarmasynyń bastyǵy polısıa podpolkovnıgi Qurmet Májikenov.

Búginde tártip saqshylaryna bir myńnan astam polısıa qyzmetkerleri men ulttyq gvardıanyń 120 áskerı qyzmetshisi qatysty. Qoǵamdyq oryndarǵa beınebaqylaý júıesi, jedel basqarý ortalyǵy arqyly baqylaý kúsheıtildi.