Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Saqtyq sharalary kúsheıdi

Qostanaı oblysynda medısınalyq saqtandyrý sharalaryna 2,1 mlrd teńge bólindi. Bul týraly búgin qala jáne aýdan ákimderimen onlaın rejimde keńes ótkizgen oblys ákimi Arhımed Muhambetov málimdedi.

Qomaqty qarjy epıdemıaǵa qarsy is-sharalarǵa qatysqan dárigerler men medısına qyzmetkerlerine ústeme aqy tóleýge, ókpege jasandy túrde dem jiberetin aparattardy, dezınfeksıalaý quraldary men medısınalyq maska satyp alýǵa jumsalady.

  — Bul qarjy, negizinen, oblystyń medısınalyq mekemelerin materıaldyq-tehnıkalyq qamtamasyz etýdi kúsheıtýge jumsalady. Oblysqa ókpege jasandy túrde dem jiberetin 41 aparat jetkiziledi. Mundaı qurylǵylar qazir ózimizde de bar. Biraq sozylmaly dertke ushyraǵan, ásirese, egde jastaǵy adamdardyń ókpesi istemeı qalatyny belgili. Sondyqtan biz qosymsha qurylǵylardy satyp satyp alyp otyrmyz. Onyń 11-i taıaýda keledi, 30-y 15-20 sáýirge qaraı jetkiziledi, — dedi A. Muhambetov.

Oblys basshysy indetke qarsy sharalarǵa tartylatyn dárigerlerge tólenetin ústeme aqy máselesiniń de basyn asha ketti. Ákimniń aıtýynsha, táýlik boıy jumys istep jatqan dárigerler men medısına qyzmetkerlerine qazirshe 241 mln teńge bólinip otyr.

Jıynda densaýlyq saqtaý basqarmasynyń basshysy Vácheslav Dýdnık búginge deıin Qostanaı oblysynda koronavırýs ınfeksıasyn juqtyrý jaǵdaılary tirkelmegenin, indettiń aldyn alý sharalary kúsheıtilgen tártipte júrgizilip jatqanyn atap ótti.