Еженедельная региональная аграрная общественно-политическая газета, г.Костанай, ул.Тәуелсіздік 83, Офис 623, 54-08-30, 91-78-51 kostanay-agro@mail.ru

Мы в соцсетях

Qostanaıdan – Maqtaralǵa

«Birgemiz» aksıasy aıasynda qostanaılyqtar Túrkistan oblysynyń Maqtaaral aýdanyna 20 tonna gýmanıtarlyq kómek jóneltti, dep habarlaıdy QazAqparat.

Sharany «Nur Otan» partıasynyń Qostanaı oblystyq fılıaly uıymdastyrǵan. Gýmanıtarlyq kómekke jergilikti «Salamat» jáne «Atameken-Dos» JShS qarjy bólgen. Búgin partıa belsendileri men volonterler júk kólikterine azyq-túlik tıedi. Uıymdastyrýshylardyń aıtýynsha, gýmanıtarlyq kómek Túrkistan oblysyna úsh kún ishinde jetedi.

«Apat aıtyp kelmeıtini ras. Túrkistan oblysynyń Maqtaaral aýdanynyń turǵyndary sý tasqyny saldarynan qıyn jaǵdaıǵa tap bolǵanyn barlyǵymyz kórip, bilip shalǵaıda jatsaq ta tilekshi bolyp otyrmyz. Osy rette búkil el judyryqtaı jumylyp, Maqtaaralǵa kómek qolyn sozýda. Eldi birlikke shaqyratyn mundaı ıgi sharadan Qostanaı oblysy da shet qalǵan joq. Otandastarymyz úshin qıyn ýaqytta, áleýmettik jaýapkershilik tanytyp, qol ushyn sozǵan «Salamat» jáne «Atameken-Dos» seriktestikteriniń basshylaryna alǵysymyzdy bildiremiz», — dedi «Nur Otan» partıasynyń Qostanaı oblystyq fılıaly tóraǵasynyń birinshi orynbasary Eldar Kúzenbaev.