Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Aýdandarǵa aýyzsý beriledi

Qostanaı oblysynyń ákimi Arhımed Muhambetovtiń qatysýymen ótken selektolyq jıynda «Nurly jer» jáne «Jumyspen qamtý jol kartasy» baǵdarlamalary aıasynda halyqty sýmen qamtýǵa baǵyttalǵan jumystardyń iske asý barysy talqylandy.

Osy qos baǵdarlama sheńberinde oblys boıynsha 57 sýmen qamtý jáne sý tartý jobasyna qurylys-montaj jumystaryn júrgizýge respýblıkalyq jáne jergilikti búdjetten 15,2 mlrd teńge bólingen. Bul týraly Energetıka jáne turǵyn úı-kommýnaldyq sharýashylyǵy basqarmasynyń basshysy Dáýren Asqarov baıandady.

«Jobalardyń 37-si – «Nurly jer», 20-sy – «Jumyspen qamtý jol kartasy» baǵdarlamasyna tıesili. Búginge deıin ıgerilgen qarjy kólemi – 5,8 mlrd teńge. Bıyl 31 nysannyń jóndeý jumysy aıaqtalýy tıis. Nátıjesinde, jalpy sany 31 myń turǵyny bar 29 aýyl sapaly aýyz sýmen qamtylady. Sondaı-aq, tórt qalada tozyǵy jetken sý tartý jelileri men qubyr júıeleri jóndeledi. Qalǵan 26 joba arǵy jyldarǵa qalady», — dedi D. Asqarov.

Onyń sózinshe, oblysta ortalyqtandyrylǵan sý júıesimen qamtylǵan aýyldar sany 174-ten 189-ǵa deıin jetýi tıis. Munyń syrtynda, aýyldyq eldi mekenderdiń tamyryna tirshilik nárin júgirtýdi kózdeıtin 40 jobanyń smetalyq qujaty qaralý ústinde. Ol júzege assa, sapaly aýyz sýǵa 67 aýyldyń nemese 72 myń adamnyń qoly jetpek. Basqarma basshysy óz baıandamasynda oblystyń ár óńirinde atqarylyp jatqan jumystarǵa egjeı-tegjeıli toqtaldy.

«Nurly jer» baǵdarlamasy aıasynda Altynsarın aýdanynda 3,1 mlrd teńgege 4 joba iske asyrylýda. Bıyl aıatalyp, 5 aýyl, 3,3 myń adam ortalyqtandyrylǵan sýmen qamtý júıesiniń ıgiligin kórmek. Al Amangeldi, Naýyrzym, B.Maılın, Uzynkól aýdandarynda 1, Áýlıekól, Denısov, Jitiqara aýdandary men Arqalyq qalasynda 2, Qarabalyq, Qarasý, Qostanaı, Sarykól aýdandarynda 3, Jangeldın aýdany men Lısakov qalasynda 4, Meńdiqaraaýdany men Rýdnyı qalasynda 2, Fedorovta 5, oblys ortalyǵynda 11 joba iske asyrylýda», — dep táptishtedi basqarma basshysy.

Ol oblys ákiminiń qoldaýynyń arqasynda tuńǵysh ret oblys búdjetinen 10 aýdanǵa 14 avtosısterna satyp alýǵa 375,7 mln teńge bólingenin de tilge tıek ete ótti. Sóz sońynda Joǵary Tobyl jáne Qaratomar sý qoımalaryna qatysty málesege toqtalyp ótti. Aıtýynsha atalǵan sý qoımalaryna tasqyn sýdyń kelýi áldeqaıda azaıyp ketken. Bul toǵandardyń sarqylyp, baldyrlanyp, borsýyna ákelýde. Sondyqtan ol osy jaǵdaıǵa shuǵyl nazar bólý qajet ekenin aıtty. Oblys ákimi halyqty sýmen qamtý jumystarynyń sapaly atqarylýyn, ózge de túıtkildi máselelerdi qatań baqylaýǵa alýdy tapsyrdy.