Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Jumys ýaqyty uzartyldy

Qostanaı oblysynyń turǵyndaryna qyzmet kórsetý ortalyqtary jumys ýaqytyn ýaqytsha ózgertti. Oblystyń bas sanıtarlyq dárigeriniń 08.01.2010 jylǵy № 41 buıryǵyna sáıkes HQKO azamattardy saǵat 09.00-den 18.00-ge deıin qabyldaıdy, senbide HQKO jumys istemeıdi.

«Qostanaı oblysynyń barlyq halyqqa qyzmet kórsetý ortalyqtary saǵat 09.00-den 18.00-ge deıin jumys isteıdi. Biraq Qostanaı, Rýdnyı jáne Tobyldaǵy halyqqa qyzmet kórsetý ortalyqtarynyń jumysy erekshe. Esterińizge sala keteıik, osy qalalardyń turǵyndaryna qyzmet kórsetý ortalyqtaryna barý úshin aldyn ala tapsyrys berý kerek. Sonymen qatar, kezekke tapsyrys bergen kezde ýaqyt portalda da, botte de 9.00-den 19.30-ǵa deıin avtomatty túrde beriledi. Nazar aýdaryńyz! Qostanaı qalasynyń halyqqa qyzmet kórsetý bólimderinde qyzmetterdi alýdyń jańa kestesin eskere otyryp, saǵat 9.00-den 17.30-ǵa deıin kezekti brondaý qajet. Keıinirek brondaý jaramsyz bolyp sanalady. Sondaı-aq, senbige brondaý qazirgi ýaqytta jaramsyz bolyp sanalady», — dep túsindirdi «Azamattarǵa arnalǵan úkimet» MK Qostanaı oblysy boıynsha fılıalynyń PR-menedjeri Iaroslava Bogatyreva.

Kezekti brondaýdyń birneshe joly bar: egov.kz elektrondy úkimet portalyndaǵy arnaıy qyzmet arqyly, 1414 nómiri boıynsha, sonymen qatar, EgovKzBot2.0 Telegram bot arqyly. Sanıtarlyq-epıdemıologıalyq normalardy saqtaý úshin halyqqa qyzmet kórsetý ortalyqtaryna kirý úshin medısınalyq maskany mindetti túrde taǵý kerek. Áleýmettik qashyqtyqty saqtaý da mańyzdy.