Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Talaptardy saqtaý mańyzdy

Oblys ákimi sanıtarlyq talaptardy saqtaý úshin memlekettik organ basshylarynyń jaýapkershiligin eske saldy. Aımaq basshysy Arhımed Muhambetov memlekettik mekemelerdiń qyzmetshileri karantın rejımin buzbaý úshin jaýapkershilik sharalaryn túsinýi tıis ekenin atap ótti.

Óńirdegi jalpy sanıtarlyq-epıdemıologıalyq jaǵdaıǵa polısıa departamentiniń bastyǵy, oblystyq bas sanıtarlyq dáriger jaýapty. Al iske qosylatyn nysandardaǵy ahýaldy (SOO, bazarlarda) sanıtarıalyq talaptardyń saqtalýyn oblys ákiminiń kásipkerlik máseleleri jónindegi orynbasary, jergilikti ákimder men sanıtarıalyq qadaǵalaıdy.

Sonymen qatar, Arhımed Muhambetov orynbasarlaryna, salalyq basqarmalarǵa, qalalar men aýdandar ákimderine kásipkerlik nysandarymen, «Atameken» UKP, múddeli organdarmen birlesip, qyzmetin toqtatqan ekonomıka salalarynyń jumys isteýin qalpyna keltirý úshin júıeli daıyndyq jumystaryn 17 tamyzǵa deıin júrgizýdi, sondaı-aq, kásiporyndardaǵy barlyq sanıtarlyq normalardy qoldanystaǵy talaptarǵa sáıkes keltirýdi qamtamasyz etýdi tapsyrdy.

«Qala jáne aýdan ákimderi kásipkerlerge karantın májbúrli shara ekenin túsindirýi qajet. Búgingi epıdemıologıalyq jaǵdaı sony talap etip tur. 17 tamyzdan bastap pandemıanyń odan ári taralýyna jol bermeý úshin nysandardy 2 apta ishinde ashýǵa daıyndaý mańyzdy», — dedi oblys ákimi.

Sonymen qatar, Qostanaı oblysynyń memlekettik bas sanıtar dárigeriniń orynbasary óńirde qatań shekteý sharalaryn engizý týraly qaýlyǵa qol qoıdy. 2020 jyldyń 3 tamyz jáne 17 tamyz aralyǵynda oblys terıtorıasynda qatań shekteý sharalary qabyldanady. Shekteý sharalary týraly Qostanaı oblysynyń bas memlekettik sanıtarlyq dárigeriniń orynbasary Iý. Sevostánov habarlady.

1)Jumys kestesi saǵat 10:00-den 17:00-ge deıin kúsheıtilgen sanıtarlyq-dezınfeksıalyq rejımdi saqtaı otyryp bektiledi. Qurylys materıaldaryn, sanıtarlyq-tehnıkalyq jáne sanıtarlyq-gıgıenalyq taýarlardy, aýyl sharýashylyǵy men saıajaıǵa arnalǵan taýarlardy, avto jáne aýyl sharýashylyǵy tehnıkasyna arnalǵan qosalqy bólshekterdi, salttyq kerek-jaraqtar men taýarlardy ótkizýmen aınalysatyn dúkenderdi qospaǵanda, azyq-túlik emes dúkenderdiń qyzmetine tyıym salynady.

2)Saıabaqtarǵa, alańdar men skverlerge, jaǵalaýlarǵa, qoǵamdyq jáne uıymdastyrylmaǵan jaǵajaılarǵa, halyqtyń ózge de demalys oryndaryna barýǵa tyıym salynsyn;

3) HQKO jumysyn uıymdastyrý, onyń ishinde Egov.kz, telegramm-bot EgovKZBBot 2.0 arqyly arnaıy HQKO arqyly aldyn ala brondaý boıynsha, jumys kúnderi (dúısenbi-juma) saǵat 9.00-den 18.00-ge deıin HQKO (Arnaıy HQKO) jáne CaII ortalyqtardyń jumys kestesi belgilensin;

4) jabyq úı-jaılarda (dárihana, dúken, keńse, medısınalyq uıym, Halyqqa qyzmet kórsetý salasyndaǵy uıym jáne basqalar), sondaı-aq qoǵamdyq kólikte (onyń ishinde taksıde) jáne kóshede bolǵan kezde barlyq adamdarǵa qorǵanysh maskalaryn mindetti túrde kıý kerek; Qatań shekteý sharalary 3 tamyz úni saǵat 00:00 bastap kúshine enedi.