Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Injınırıń ortalyǵy ashylady

Ahmet Baıtursynuly atyndaǵy Qostanaı ýnıversıteti men jergilikti mashına jasaý zaýyty janynan avtoónerkásipke qajet mamandardy daıarlaıtyn zamanaýı ınjınırıń ortalyǵy ashylmaq.

Bilim berý men tájirıbe ushtaýdy sabaqtastyra júzege asyrýdy kózdeıtin jańa ortalyqta mashına jasaý óndirisiniń san alýan mamandary men PhD doktorlary oqıtyn bolady. Sonymen qatar, munda bolashaq ınjenerlerdi kólik qurastyrýdyń ǵylymı negizderine úıretetin joǵary tehnologıalyq óndiris qolǵa alynady.

-Taıaýda Qostanaıǵa jumys saparymen kelgen bilim jáne ǵylym vıse-mınıstri Mıras Dáýlenov Ahmet Baıtursynuly atyndaǵy Qostanaı óńirlik ýnıversıteti men «Kamaz» JAQ áriptestigin qoldaý týraly memorandýmǵa qol qoıdy. Osylaısha, buryn-sońdy bolmaǵan biregeı ınovasıalyq jobany júzege asyrýdy kózdep otyrmyz. Basty maqsatymyz — Qostanaı Indýstrıalyq aımaǵyndaǵy mashına qurastyratyn jáne kólik bólshekterin jasap shyǵaratyn kásiporyndardy, sondaı-aq bilim, ǵylym mekemelerin qatystyra otyryp halyqaralyq konsorsıým qurý; mashına jasaý salasyna qatysty zamanaýı ǵylymı zertteýler júrgizip, ınjınırng júıesin qalyptastyrý; sonymen qatar, kólik qurastyrý salasyna qajet joǵary bilikti kadrlardy daıarlaýdyń ınovasıalyq baǵdarlamasyn engizý, — dedi ýnıversıtet rektory Alma Dosjanova.

Inıjınırng ortalyǵyn 2023 jyly ashý josparlanyp otyr. Jalpy, Qostanaı ýnıversıteti ınjenerlerdi buryn da daıyndap kelgen. Ýnıversıtet basshysynyń aıtýynsha, endi bul mamandyqqa oqytýdyń túri men mazmuny túbegeıli ózgeredi. Stýdentter zaýyt mamandarynyń jetekshiligimen tómengi kýrstardan bastap óndiriske aralasyp, dárishanada jınaqtaǵan teorıalyq bilimdi tájirıbede bekitedi.

Sondaı-aq, ýnıversıtet támamdaıtyn túlekterdiń dıplomdyq jumystaryna da ındýstrıalyq aımaqtyń bilikti mamandary jetekshilik etetin bolady.

Jalpy quny shamamen 3 mlrd 500 mln teńge bolatyn biregeı joba birneshe ortalyqtan qarjylandyrylady. Injınırıń ǵımaratyn turǵyzý úshin Indýstrıalyq-ınnovasıalyq damýdyń memlekettik baǵdarlamsy aıasynda 2,4 mlrd teńge qarjy bólinbek. Al ortalyqqa qajet qural-jabdyqtar satyp alýǵa Bilim jáne ǵylym mınıstrligi men Aýyl sharýashylyǵy mınıstrligi 1,1 mlrd teńge qarjy jumsamaq. Munyń syrtynda, ınjenerlik ortalyqty jaraqtandyrýǵa «Kamaz» JAQ, «SaryarqaAvtoProm» JShS, «AgromashHoldıng KZ» AQ birlesip 330 mln teńge bólýdi kózdep otyr.