Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Jyl sońyna deıin 60 myń avtokólik qurastyrylady

Búginde Qazaqstandaǵy kólikterdiń 57 paıyzy otandyq zaýyttarda qurastyrylǵan. Bul týraly Qostanaıdaǵy kólik qurastyrý jónindegi májiliste Indýstrıa jáne ınfraqurylymdyq damý mınıstri Roman Sklár málim etti.

Úkimet basshysy Asqar Mamın Qostanaı qalasyndaǵy «SaryarqaAvtoProm» AQ bazasynda aýyl sharýashylyǵy taýar óndirýshilerimen kezdesti. Jıynda aýyl sharýashylyǵy tehnıkalaryn shyǵarý isi men otandyq avtoóndiristiń damýy talqylandy. Indýstrıa jáne ınfraqurylymdyq damý mınıstri Roman Sklár avtokólik shyǵarýdyń damýy men jetistikterine toqtaldy. Aıtýynsha, az ǵana ýaqyt ishinde elimizde kólik qurastyrýdyń jańa baǵyty paıda boldy. Investısıalyq baǵdarlamalar qabyldana bastady. Jańa ındýstrıalandyrýdyń birinshi bes jyldyǵynyń qorytyndysynda avtomobıl óndirisi óńdeý ónerkásibindegi eń qarqyndy damýshy sala retinde tanyldy.

«Qazaqstannyń avtomobıl ónerkásibiniń tarıhy jol talǵamaıtyn «Nıva» jeńil kólik qurastyrýdan bastaý aldy. Munan keıin elimizde «SaryarqaAvtoProm», «SemAZ», «KAMAZ-Injınırıng», «Hyun­dai Trans Auto», «Daewoo Bus Kazakhstan» sekildi avtokólik qurastyrý kásiporyndary paıda boldy. Búginde Qazaqstan halyqaralyq ekologıalyq standarttarǵa saı keletin 167 kólik túrin qurastyrady. Onyń ishinde jeńil avtokóliktiń 39 túri shyǵady. Jalpy qazirgi Qazaqstannyń mashına jasaý salasyn kópsalaly dep aıtýǵa bolady. Oǵan elektr quraldaryn, akýmýlátorlar, stanoktar men túrli aspaptar, taý-ken, metalýrgıa, aýyl sharýashylyǵy qural-jabdyqtaryn, taǵy basqa da zattar shyǵarý kiredi. Eldegi kólikterdiń 57 paıyzy ózimizdiń zaýyttarda qurastyrylady. Avtoóndiristegi otandyq úles 50 paıyzǵa deıin jetti«,- dedi Roman Sklár.