Taıaýda memlekettik qyzmetkerlerge smartfon paıdalanýǵa ruqsat berilýi múmkin. Bul týraly sıfrlyq damý, ınovasıalar jáne aeroǵarysh ónerkásibi mınıstri Asqar Jumaǵalıev aıtty, — dep habarlaıdy Tengrinews.kz tilshisi.

«Memlekettik organdar ornalasqan ǵımarattardyń ıeleri polısıadaǵylarmen birge nusqaýlyqqa qol qoıýy kerek. Sodan keıin ǵana memlekettik qyzmetkerler ǵımaratta smartfondardy qoldana alady. Aqparattyq qaýipsizdik máselesi nazardan tys emes ekenin túsiný mańyzdy. Árıne, aqparattyq qaýipsizdik bul — memlekettik qyzmetkerler men memlekettik organ basshylarynyń jaýapkershiligi», — dedi mınıstr úkimet otyrysynan keıin.

Jumaǵalıev búginde qaýlynyń úkimetke joldandaǵynan jáne ony barlyǵy qoldaǵanyn aıtyp ótti.

«Qaýly búgin bekitildi. Ǵımarat ıeleri men polısıa taıaýda nusqaýlyqqa qol qoıady. Osydan keıin ǵana memlekettik qyzmetker smartfon qoldana alady», — dedi mınıstr.

Munyń aldynda qylmystyq jáne azamattyq prosesterdiń sıfrlyq formatqa kóshirilýine baılanysty memlekettik qyzmetkerlerge memlekettik organ ǵımaratynda smartfon qoldanýǵa qaıtadan ruqsat berýi múmkin ekeni habarlanǵan edi.

Eske salaıyq, 2016 jyldyń naýryzynda barlyq memlekettik organda qyzmetkerler men kelýshilerge smartfondardy paıdalanýǵa tyıym salynǵan edi. Bul shara memlekettik qyzmetkerlerdiń jumys barysynda mobıldi qurylǵylardy belsendi paıdalaný men aqparattyń WhatsApp arqyly syrtqa shyǵyp ketýine baılanysty qabyldanǵan bolatyn.