Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Áýe joly jańǵyrdy

Oblys ákimdiginiń keńeıtilgen otyrysynda «Nurly jol» ınfraqurylymdyq damý memlekettik baǵdarlamasynyń júzege asyrylý barysynyń jyldyq nátıjeleri talqylandy. Jolaýshylar kóligi jáne avtomobıl joldary basqarmasynyń basshysy Oljas Nurǵalıevtiń aıtýynsha, kólik logıstıkasy salasyndaǵy jumystar josparly túrde júrgizildi.

Aıta keterligi, oblystyń avtomobıl joldary respýblıka boıynsha eń uzyn jol jelileriniń qataryna jatady. Jalpy uzyndyǵy – 9,3 myń shaqyrym, onyń 85% – jergilikti mańyzy bar joldar.

– Bıyl kólik ınfraqurylymyn damytýǵa 37,3 mlrd. teńge bólindi. Ósim 12 % teń. 2018 jyly 33,3 mlrd teńge bolǵan. Bul 550 shaqyrymnan astam avtojoldy qaıta jańartýǵa jáne jóndeýge múmkindik berdi. Atap aıtqanda, oblystyq mańyzy bar joldaryń 2 shaqyrymy qaıta jańartylsa, 4 shaqyrymy kúrdeli jóndeýden ótti. Sonymen qatar respýblıkalyq mańyzy bar joldardyń 49 shaqyrymy qalypqa keldi. Tek oblys ortalyǵynda ǵana joldardy salýǵa, qalpyna keltirýge jáne jóndeýge 7,7 mlrd teńge jumsaldy, — dep málim etti basqarma basshysy.

Búginde «jaqsy jáne qanaǵattanarlyq» jaǵdaıdaǵy oblystyq jáne aýdandyq mańyzy bar avtomobıl joldarynyń úlesi 69% — ke deıin ósken. Sáıkesinshe, bekitilgen nysanaly ındıkator sońǵy 4 jylda tolyǵymen oryndaldy. Oljas Nurǵalıev «Qostanaı» áýejaıynyń ushý-qoný jolaǵyn qaıta jańartýdy aıaqtaý týraly sóz etti.