Qostanaı oblysynda komýnaldyq kásiporyndar ornalasatyn front-keńse ashylýy múmkin. Bul týraly oblys ákimi İnstagram paraqshasyna jazdy.

Arhımed Muhambetov búgingi jumys saparyn trıatlon parki alańynan bastady. Park qurylysy josparlanǵan ýchaskede júgirý, velosıped jáne jaıaý júrginshiler joly salynady. Oblys basshysy basqa da sport túrleriniń áýesqoılary úshin kóptegen alańdar qarastyrylǵanyn atap ótti.

«Indýstrıalyq aımaqtyń ákimshilik-turmystyq keshenine bardym. Keshende birqatar memlekettik mekemeler, «KAZAKH INVEST» óńirlik ókildigi, Kásipkerler palatasy, «Azamattarǵa arnalǵan úkimet» memlekettik korporasıasy, «Tobyl» ÁKK ókilderi, sondaı-aq jyljymaly keste rejıminde komýnaldyq kásiporyndar ornalasatyn front-ofıs ashý josparda», — dep jazdy aımaq ákimi Arhımed Muhambetov.

Jumys sapary sońynda Arhımed Muhambetov «Tobol Keramık» JShS qyzmetimen tanysty. Kásiporyn kirpish, jabynqysh jáne kúıdirilgen sazdan jasalǵan ózge de qurylys zattaryn shyǵarady. Kásiporynnyń ónimdiligi – aıyna 500-600 myń dana.