Qostanaı oblysynda aqpan aıynan bastap elektr energıasynyń tarıfi kóterilýi múmkin. Óńirlik komýnıkasıalar qyzmetinde ótken brıfıńte Tabıǵı monopolıalardy retteý komıteti oblystyq departamenti aqparat taratty.

Mamandardyń sózinshe, tarıf quny janar-jaǵarmaı men elektr qondyrǵylarynyń qymbattaýy saldarynan ósedi. Nátıjesinde «Qostanaı energo ortalyǵy» seriktestigi oblystyq Tabıǵı monopolıalardy retteý jáne básekelestikti qorǵaý departamentine elektr qýatynyń baǵasyn ósirý jóninde tapsyrys bergen.

«2019 jyldyń sońynda «Qostanaı energo ortalyǵy» seriktestiginen jaryq baǵasyn ósirý týraly 155 ótinim kelip tústi. Ortalyq basshylyǵy QR Energetıka mınıstrligine elektr energıasy tarıfin 7,5% kóterý týraly ótinim jazǵan. Monopolıster bul ótinimniń negizinde saraptama júrgizdi. Saraptama nátıjesine sáıkes, elektr energıasynyń tıimdi baǵasy qosylǵan qun salyǵynsyz 7,2 paıyzǵa ósip, 18,92 teńgege deıin tómendetildi. Sonda jeke tulǵalar úshin elektr energıasynyń baǵasy 7 tıynǵa ǵana ósip otyr. Al, zańdy tulǵalar jaryq úshin 23,3 teńge tóleıtin bolady», — deıdi Tabıǵı monopolıalardy retteý komıteti oblystyq departamentiniń basshysy Aqan Tashpanov.

Ótken jyldyń sońynda zańdy tulǵalar úshin elektr energıasynyń baǵasy 23 teńge 81 tıyn bolǵan.