Arhımed Muhambetovtiń tóraǵalyǵymen ótken selektorlyq keńeste koronavırýstyq ınfeksıanyń aldyn alýǵa qarsy is-qımyldar jospary qaraldy. Qostanaı qalasynyń ákimi Qaırat Ahmetov oblys ortalyǵynyń aýmaǵyna kireberisterde baqylaý-ótkizý beketterin ornatý múmkindigi týraly aıtty.
Ol oblys basshysyna epıdemıologıalyq jaǵdaı nasharlaǵan jaǵdaıda avtomobıl joldarynda 6 baqylaý-ótkizý beketin ornatýdy usyndy.
«Qostanaı oblysy polısıa departamenti mobıldik patrúlderi Aqtóbe oblysy men Reseı Federasıasy tarapynan avtokólik qatynasyn boldyrmaý úshin Qostanaı-Jdanovka jáne Qostanaı-Maıkól avtojoldaryn baqylap otyr. Qala aýmaǵyn tranzıttik avtomobıldermen aınalyp ótýde Nur-Sultan qalasynyń tájirıbesin qabyldaýdy usynamyz. Kolonnalar quryp, polısıanyń patrúldik avtomobıliniń qatysýymen olardy aınalma jolmen alyp júrý qajet», — dedi Qaırat Ahmetov. Oblys ákimi Arhımed Muhambetov usynǵan algorıtmdi qoldap, baqylaý-ótkizý beketterin ornatý boıynsha uıymdastyrý máselelerin qaraý týraly tapsyrma berdi. «Baqylaý-ótkizý beketterin oblystyń árbir aýdanynda qarastyrý qajet ekenin atap ótti. Oblys turǵyndarynan engizilgen shekteýlerdi saqtaýdy suraımyn. Túsinistikpen qaraý qajet. Barlyq qabyldanǵan sharalar vırýstyń taralýyn azaıtý úshin jasalady», — dedi oblys ákimi.
Qostanaı oblysynda polıseıler
blok-postylarda jumys isteı bastady. Olar koronavırýstyń taralýynyń aldyn alý
úshin qoıylǵan. Barlyǵy kúzet oryndaryna 106 polısıa qyzmetkeri men 28 medısına
qyzmetkeri jumyldyrylady. Adamdardyń jaıaý tártiptegi sıaqty, sondaı-aq kólikte
ótýine jol bermeý úshin aınalma joldardy patrúldeý qosymsha uıymdastyrylady.
Olardyń biri Respýblıkalyq
mańyzy bar A-22 «Qarabutaq-Qostanaı» trassasynda ornalasqan.
Atalǵan beket, tranzıttik júk
avtokólikterin qospaǵanda, barlyq kólik quraldarynyń kirýin jáne shyǵýyn táýlik
boıy shekteıtin bolady.
Qazirgi ýaqytta blok-post tolyǵymen jabdyqtalǵan. Shahmattyq tártipte irgetas bloktar men týrnıketter ornatyldy. «Kirýge tyıym salynady», «aınalyp ótý baǵyty» jol belgileri, jyldamdyqty kezeń-kezeńmen tómendetý belgileri qoıylǵan. Tamaq ishýge jáne jylytýǵa arnalǵan ýaqytsha úı-jaı salynǵandar úshin jaryqtandyrý quraldarymen, kirý jáne shyǵý úshin beınekameralar jabdyqtalǵan. Baǵdar alý úshin telefon, faks bar. Qamysty aýdany bólimi bastyǵynyń mindetin ýaqytsha atqarýshy polısıa podpolkovnıgi Erlan Mýsınniń aıtýynsha, bekette 6 polıseı (3 qyzmetker JQAJ jáne 3 patrúldik polısıa), SES, veterınarıa bólimi, medısına qyzmetkerleri kezekshilik etedi.
— Medqyzmetkerler júrgizýshilerdi teplovızordyń temperatýrasyn ólsheı otyryp, kózben sholyp aldyn ala tekserýdi júrgizedi. Sondaı-aq bekette avtokólikti óńdeýge arnalǵan hımıalyq eritindisi bar «ÝAZ» avtokóligi bar. Bólim bastyǵynyń orynbasarlary kún saıyn jaýapty bolady,- dep atap ótti E. Mýsın.
Esterińizge sala keteıik, Qostanaı oblysynyń bas sanıtarlyq dárigeriniń qaýlysymen aımaqta halyqtyń qaýipsizdigin qamtamasyz etý boıynsha sharalardy kúsheıtý týraly respýblıkalyq jáne oblystyq mańyzy bar avtojoldarda 10 blok-beket qoıylǵan.
