Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Qostanaılyqtar kómekke ázir

Aımaq basshysy Arhımed Muhambetovtiń tóraǵalyq etýimen ótken selektorlyq keńeste Eriktiler jylyna josparlanǵan sharalardyń júzege asý barysy talqylandy. Jastar saıasaty basqarmasynyń basshysy Marat Jurqabaev Eriktiler jylyn Memleket basshysy Qasym-Jomart Toqaev 2019 jyly Qostanaı qalasynda ótken Qazaqstan-Reseı jastar forýmynda jarıa etkenin atap ótti.

— Aımaqta Eriktiler jylyna arnalyp arnaıy ázirlengen óńirlik jospar boıynsha birqatar jobalardy júzege asyrý kózdelgen. Bul jobalar sabaqstastyq, saýlyq, taza álem, asyl mura, qamqor, bilim, úmit dep atalatyn 7 baǵyt boıynsha iske asyrylyp jatyr. Biz «Taza álem» jobasyna erekshe kóńil bólip otyrmyz. Bul baǵyt boıynsha qorshaǵan ortany qorǵaý, ózender men ormandardy tazalaý, aǵash otyrǵyzý, turǵyndardy qoqysty suryptap tastaýǵa daǵdylandyrý sıaqty birqatar sharalardy ótkizýdi josparlap otyrmyz, – dedi Marat Jurqabaev.

Qostanaı oblysynda jalpy sany 15 myń múshesi bar 80 shaqty eriktiler uıymy jumys isteıdi. Olar Eriktiler jyly aıasynda jyl basynan beri 180 shara ótkizgen. Erikti jastar negizinen jalǵyz turatyn qart adamdarǵa kómek kórsetý, turǵyn úı aýlalaryn qardan tazartý, «Viz birgemiz» respýblıkalyq aksıasy aıasynda muqtaj jandarǵa azyq-túlik jetkizý jumystarymen aınalysqan. Aksıa aıasynda 270-ten astam erikti 1155 qart adamnyń úıine memleketten tegin bólinetin dári-dármek preparattaryn jetkizip bergen.

Oblys ákimi búgingideı tótenshe jaǵdaıda qoǵamdyq sharalarǵa at salysyp júrgen eriktilerdiń eń aldymen qaýipsizdigi qorǵalýy mańyzdy ekenine toqtalyp ótti.

— Jastardy barlyq qorǵanysh quraldarymen qamtamasyz etý qajet, eriktilerdi tolyq jabdyqtaý kerek, – dedi óńir basshysy.

Sondaı-aq, oblys ákimi bıyl eldi mekenderdi kógaldandyrý boıynsha barlyq jumystar ýaqytsha shegerilgenin, al tótenshe jaǵdaı kezinde qoqystan tazartý jumystaryn komýnaldyq kásiporyndar atqaratynyn aıtty.