Prezıdent TJ rejımin qamtamasyz etý jónindegi memkomıssıanyń otyrysynda turǵyn úı máselesin sheshý úshin jańa «5-10-20» ıpotekalyq nesıe berý baǵdarlamasyn iske asyrýdy tapsyrdy.

«Elbasy usynǵan «7-20-25» bastamasy ıpotekalyq nesıelendirýge jáne turǵyn úı qurylysyna úlken serpin berdi. Turǵyn úı máselesin sheshý úshin jańa «5-10-20» ıpotekalyq nesıe berý baǵdarlamasyn iske asyrýdy tapsyramyn. Bul maqsatqa daǵdarysqa qarsy qarajattan 390 mlrd teńge bólemiz. Bıyl elimizde 15 mln sharshy metr nemese 150 myń páter qurylysynyń rekordtyq kólemi josparlanǵan»,- dedi Memleket basshysy.

Prezıdent odan bólek «Qazaqstannyń turǵyn úı qurylys jınaq banki» negizinde «Otbasy bankin» qurýdy tapsyrdy.

«Azamattarymyzdyń turǵyn úı jaǵdaıyn jaqsartý jónindegi jumysty jalǵastyrý mańyzdy. Shyn máninde, bul – Úkimet jumysynyń strategıalyq baǵyttarynyń biri. Úkimet jyl sońyna deıin «Qazaqstannyń turǵyn úı qurylys jınaq banki» negizinde tolyqqandy damý jáne qoldaý ınstıtýty «Otbasy bankin» qurýy kerek, ol turǵyn úıdi esepke alýdy, qoıýdy jáne bólýdi ortalyqtandyryp júzege asyrady» dep atap ótti Q.Toqaev.

Memleket basshysy Úkimetke azamattardyń ózderiniń zeınetaqy jınaqtarynyń bir bóligin turǵyn úı jaǵdaıyn jaqsartý maqsatynda paıdalanýy máselesi boıynsha 1 shildege deıin bir sheshimge kelýdi tapsyrdy.