Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Sáýle Erjanovanyń aıtýynsha, aımaqta 300-ge jýyq dárihana bar. Olardyń dárimen qamtamasyz etilýi men baǵa turaqtylyǵynyń saqtalýy qatań baqylaýda.

Búginge deıin dári tapshylyǵyna baılanysty turǵyndardan eshbir shaǵym túspegen. Biraq dárihana mennedjerleri vırýsqa qarsy ishetin jáne dene qyzýyn túsiretin dári-dármekke suranys artqanyn habarlap otyr.

Búgingi tańda qyzý túsiretin preparattar jetkilikti. «Farmakom Impeks», «Zabota Company LTD», «Aıbolıt» jelilik dárihanalarynda parasetamoldyń 14 000 qaptamasy bar. Oblystyń barlyq dárihanalary quramynda parasetamol bar dári-dármek túrlerimen qamtamasyz etilgen.

Alaıda aımaqta dári tasymaldaýshylardyń keshigýine baılanysty vırýsqa qarsy preparattar azdaý bolyp jatyr.

«Zabota Company LTD», «Farmakom Impeks», «Vıtaım» dárihanalarynda «Groprınosın», «Rımantadın», «Arpeflú», «Ingavırın» dárileriniń 2000-nan astam qaptamasy bar.

Keshegi kúni vırýsqa jáne bakterıaǵa qarsy dárilik preparattar Arqalyq qalasynda bolmaı qaldy. Biraq búgin bul másele sheshildi. «Svetnaıa» JShS dárihanasy vırýsqa qarsy jáne bakterıaǵa qarsy preparattardyń mol qoryn saqtap otyr, — dedi S. Erjanova.