Jaqynda Eýropadaǵy eń tabysty aýyl sharýashylyǵy tehnıkasyn óndirýshilerdiń biri – «PÖTTINGER» (Petınger) kompanıasy «AgromashHoldıng KZ» AQ iri otandyq aýyl sharýashylyǵy mashınalaryn jasaý kásipornymen yntymaqtastyq týraly kelisim jasasty. Bul – álemdegi yrǵaqty jumys kóshine ilesken kezekti iri mashına jasaý kompanıasy.

2019 jyly Qostanaıda «Kıroves» zaýyty saltanatty túrde ashyldy. Qazir elde «CLAAS» nemis tehnıkasy zaýytynyń qurylysy boıynsha kelissózder júrgizilip jatyr. Ústimizdegi jyldyń ózinde «PÖTTINGER» birinshi kezekte egis keshenderin birlesip óndirýge daıyn. Avstrıalyq kompanıa Qostanaıdaǵy jańa «Lokalızasıalyq ortalyq» aýmaǵynda ornalasatyn bolady.

– «PÖTTINGER» dúnıejúzinde ózin ınovasıalyq óndirýshi retinde dáleldegen. Bul tek shyǵarylatyn tehnıkaǵa ǵana emes, is júrgizýge de qatysty. Sondyqtan pandemıaǵa qaramastan, búkil álem boıynsha kásiporyndar óz óndirisin toqtatqan kezde, biz «Agromashholdıngtiń» Qazaqstandaǵy barlyq jetekshi óndirýshilerdi biriktirýge degen umtylysyn joǵary baǵalaımyz, — deıdi kompanıanyń TMD elderinde ónim ótkizý jónindegi dırektory Aleksandr Zernov.

Lokalızasıalyq ortalyq qazir qaıta qurylymdaý jáne ınjınırıń satysynda tur. 27 000 sharshy metrlik zaýyt alańynda joǵary ónimdi zamanaýı stanoktary bar ámbebap sehtar, keńse bólmeleri, oqý ortalyǵy jáne jumysshylarǵa arnalǵan jataqhana ornalasatyn bolady.

– Usynylǵan sharttar bıznesti uıymdastyrý úshin óte tıimdi. Biz óz ónimimizge suranys arta bastaǵan soń Qazaqstanda egis keshenderin oqshaýlaýdy kópten josparlaǵan edik. Sonyń sáti endi tústi, — deıdi A.Zernov.

«AgromashHoldıngKZ» zaýytynyń ókilderi tehnıka men olardyń komponentterin óndirýshilerdiń jańa usynystary úshin árdaıym daıyn ekenin atap ótti. Budan bólek, seriktester mashına jasaý kásiporyndary usynatyn tehnıkalyq sharttarǵa sáıkes keletin komponentterdiń kepildendirilgen satylymyna ıe bolady. Lokalızasıalyq ortalyq konsýltatıvtik qoldaý kórsetý, qajetti alańdar, jabdyqtar, quraldar men Eńbek resýrstaryn usynýǵa ázir.