Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Alık Shpekbaev: «Jemqorlyqqa jol berý – otandy satýmen teń»

Sybaılas jemqorlyqqa qarsy is-qımyl agenttiginiń tóraǵasy Alık Shpekbaev Qostanaı oblysyna sapary aıasynda Rýdnyı qalasynyń jurtshylyǵymen kezdesti, dep habarlaıdy vedomstvonyń baspasóz qyzmeti.

Alık Shpekbaev sybaılas jemqorlyqqa qarsy zańnamadaǵy ózgerister týraly sóz qozǵap, elde júrgizilip jatqan jemqorlyqqa qarsy saıasat jáne qabyldanyp jatqan aldyn alý sharalary týraly egjeı-tegjeıli baıandady. Agenttik tóraǵasy basshylardyń qaramaǵyndaǵy qyzmetkerleriniń sybaılas jemqorlyǵy úshin jaýap beretinin eske saldy. Aıta keteıik, osy jyldyń qyrkúıek aıynda Rýdnyı qalasynyń ákimi B.Ǵaıazov Qashar kentiniń ákiminiń jemqorlyq qylmysy úshin qyzmetinen bosatylǵan edi.

«Qazirgi tańda sybaılas jemqorlyqqa qarsy zańnama ár basshyǵa joǵary talaptar qoıyp otyr. Sizder tutas memlekettik organnyń jumysy tazalyq pen parasattylyqqa baǵyttalýǵa baılanysty ekenin jete túsinýlerińiz qajet. Sondyqtan basshylardyń jemqorlyqqa jol ashatyn kez kelgen jaǵdaıdy joıý boıynsha belsendi áreket jasaýy mańyzdy. Bul úshin barlyq quraldar bar. Eń bastysy – shynaıy nıettiń bolýy», — dedi Sybaılas jemqorlyqqa qarsy qyzmet basshysy.

Sybaılas jemqorlyqqa qarsy is-qımyl vedomstvosynyń basshysy azamattarmen syndarly dıalogty keńeıtý qajettiligine, jergilikti atqarýshy organdardyń azamattar úshin qolaıly jaǵdaı jasaý jumysyn kúsheıtý men qoǵamdyq baqylaýǵa nazar aýdardy. Qoǵamdyq uıymdar ókilderine arnaǵan sózinde Alık Shpekbaev memlekettik organdardyń jumysyn transformasıalaýda azamattardyń róli artyp kele jatqanyn atap ótti.

Alık Shpekbaev HQKO týraly aıta kele, elektrondyq memlekettik qyzmet kórsetýdiń údemeli damýyn atap ótti.

«Qaǵaz júzinde kórsetiletin qyzmetter – ótken kúnniń belgisi. Sheneýnikpen baılanys ornatý arqyly qyzmet kórsetý turmystyq sybaılas jemqorlyq qaýpin arttyrady. HQKO-lardyń sanyn kóbeıtýdiń qajeti joq. Azamattardy elektrondyq múmkindiktermen jumys isteý daǵdylaryna úıretýge jáne ákimdikterdiń front-keńselerin sapaly pysyqtaýǵa nazar aýdarý qajet», — dedi ol.

Sybaılas jemqorlyqqa qarsy is-qımyl agenttiginiń tóraǵasy A. Shpekbaev Qostanaı oblysyna jumys sapary aıasynda COVID-19 ekinshi tolqyny kezeńinde azamattardy dárilik preparattarmen qamtamasyz etý sharalaryna erekshe nazar aýdardy.

Sybaılas jemqorlyqqa qarsy qyzmettiń basshysy «SQ-Farmasıa» JShS operasıalyq qoımasyna bardy. Qoıma oblystyń emdeý mekemeleri men uıymdarynyń Nur-Sultan qalasyndaǵy habtan dárilik preparattar men medısınalyq buıymdardy jedel alý qaǵıdaty boıynsha uıymdastyrylǵan.

Túrli aýrýlardy stasıonarlyq jáne ambýlatorıalyq emdeýdi qamtamasyz etý aıasynda medısınalyq mekemelerdiń dástúrli ótinimderine de, koronavırýstyq ınfeksıany emdeýge qajetti qarajatqa tapsyrystarǵa da qyzmet kórsetiledi.

«Ákimdik dári-dármekter, dárigerlerdi qorǵaý quraldary, onyń ishinde gýmanıtarlyq kómek aıasyndaǵy ashyqtyqqa nazar aýdara otyryp, qoǵamdyq uıymdardy belsendi túrde tartýda. Pandemıa árbir qazaqstandyqqa áser etti. Sondyqtan barmaq basty, kóz qysty jumys bolmaýy tıis. Árbir dári-dármek alaıaqtardyń tabys kózine aınalmaı, tutynýshysyna jetýi óte mańyzdy», — dep basa aıtty Alık Shpekbaev.

Aıta keteıik, buǵan deıin birqatar óńirlerde monıtorıńtik toptar dári-dármekter men qorǵanys quraldarynyń azaımaıtyn qoryn qalyptastyrýdaǵy máseleler týraly málimdegen bolatyn. «SQ-Farmasıa» Qostanaı fılıalynyń ókilderi barlyq logıstıkalyq qateler eskerilgenin jáne búgingi kúni óńirde qajetti qor bar ekenin aıtty.

Jergilikti atqarýshy organdardyń ókilderi habarlaǵandaı, koronavırýstyq ınfeksıany, pnevmonıany jáne JRVI emdeýge baǵyttalǵan dárilik zattarmen azamattardy qamtamasyz etý maqsatynda dárihana jelileri men farmasevtıkalyq fırmalardyń dıstrıbútorlaryna 538 mln.teńge bólindi.

Osyǵan baılanysty, Agenttik tóraǵasy pandemıanyń ekinshi tolqynyna daıyndyq barysynda oblystyń materıaldyq qory esebinen satyp alynǵan dári-dármekterdi satatyn «Svetnaıa» dárihana jelisin aralady.