Qostanaıda oblystyq ІХ Azamattyq forým otyrysy ótti. Jıynǵa oblys ákiminiń orynbasary Baqyt Esimova, oblystyq basqarma basshylary, qoǵamdyq birlestik ókilderi men qala, aýdan ákimderi qatysty.

Jıyndy uıymdastyrý­shy «Qostanaı oblysynyń azamattyq alánsy» qoǵam­dyq qorynyń tóraıymy Dınara Ótebaevanyń aıtýynsha, jyl basynan beri aımaqta úkimettik emes uıymdardyń muryndyq bolýymen otyzdan astam qaıyrymdylyq aksıasy, elýdiń ústinde onlaın pikirtalqy sharalary ótip, qoǵamdyq birlestikter men túrli mekemelerdiń jáne bıznes qaýymdastyǵynyń óz­ara baılanysy nyǵaıa tús­ken. Bul óz kezeginde «Halyq úni­ne qulaq asatyn memleket» qaǵıdattaryn tıimdi engizý­ge jáne memleket pen bız­nes­tiń jáne úkimettik emes uıym­dardyń ózara tıimdi áriptes­tiginiń ilip alar úlgisi bolyp otyr.

Memlekettik organdar men úkimettik emes uıymdardyń birlesip jumyla atqarǵan jumystary nátıjesiz emes. Máselen, búginde azamattyq qoǵam ınstıtýttarymen bir­lese otyryp jumys júrgizý­diń túrleri men platformalary qalyptasty, ÚEU-ny memlekettik qoldaýdyń tetik­teri kóbeıdi. Qoǵamdyq bir­lestikterge memleketten kelip túsetin áleýmettik tap­sy­rystar, granttar men syı­aqylardyń kólemi ulǵaıdy. Memlekettik organdardyń janynan qoǵamdyq keńester ashylyp, «Ashyq Úkimet» qalyptastyrýdyń quqyqtyq negizi qalandy.

Forým jumysy barysynda Qostanaı oblysy kásip­odaq ortalyǵynyń tóraıymy Ekaterına Smyshláeva, ob­lystyq máslıhattyń depý­ta­ty Gúlmıra Qapenova, Qazaq­stan Prezıdenti ja­nyn­­­­daǵy memlekettik bas­qa­rý aka­demıasynyń dosenti Tatána Zýeva, «El Er­teńi» jas­tar qoǵamdyq birlesti­gi­niń tóraǵasy Bolat Qalıev sıaqty sheshender azamattyq sektordy qoldaý men damytý­dyń ózekti máseleleri týraly óz oılaryn ortaǵa saldy.

Sonymen qatar oblys­tyq forýmda ÚEU ókilderi men salalyq basqarma­lar­dyń qyz­metkerleri kezde­sip, aımaqta memlekettik tapsyrysty jú­zege asyrý barysynda kól­deneń shyǵatyn keıbir máse­le­lerdi talqylady.

– Qazaqstan Respýblıka­synda qazirgi kezde qoǵam­dyq baqylaý ınstıtýtyn bel­­­­sendi júzege asyrýyn qam­­­­tamasyz etetin tıimdi ıns­­­­tı­­týsıonaldyq-quqyq­tyq ne­giz tolyq qalyptasyp bol­­dy. Bul oraıda, Elbasy­nyń «100 naqty qadam – Ult­tyq jospary», atap aıt­qanda, transparentti jáne esep beretin memleket qalyp­­tas­tyrýǵa baǵyttalǵan be­sin­shi reforma sheshýshi ról atqarady. Memlekettik bas­qarý organdarynyń jumy­syn baǵalaýdyń bu­ryn-sońdy bol­maǵan jańa jú­ıesi en­gizildi. Bul júıe syrt­qy táýel­siz aýdıt mindet­te­me­leri­niń qaǵıdattaryna, kóp­shi­likke ashyq, qoǵammen ty­ǵyz baılanysta bolýǵa, bas­shy­lardyń jeke basynyń ja­ýap­kershiligine negizdeledi, – dedi Gúlmıra Qapenova.

Elimizde birneshe ıns­tı­tý­sıo­naldyq qurylym­dardyń tabysty jumys istep kele jatqanyn tilge tıek etken Gúlmıra Qapenova búginde kóptegen mańyz­dy sheshimderdiń qabyl­danýyna halyqtyń tikeleı qaty­sýyn qamtamasyz etip, aza­mat­tar­dyń quqyq­taryn qorǵaýǵa belsendi atsalysyp otyrǵan qoǵamdyq keńesterdiń, ombý­ds­menderdiń, aqyldastar keńesi men komısıalardyń, sondaı-aq vedomstvoara­lyq monıtorıńtik toptar­dyń azamattyq qoǵam qalyp­tas­tyrýǵa aıtarlyq­taı úles qo­syp otyrǵanyna toqtaldy.

Otyrysqa qa­tysý­­shy­lardyń pikirin­she, aı­maqta qoǵamdyq birles­tik­terdiń belsendiligi jyl sanap ósip kele jatqanymen, qoǵamdyq baqylaý tetikteri mem­­le­kettik ınstıtýttar men jer­gilikti atqarýshy or­gan­­dar qyzmetiniń tıimdili­gin art­tyrýǵa áli de bolsa jet­­­kilikti mólsherde yq­pal ete almaı otyr. Elim­iz­de qa­lyp­­tas­qan qoǵamdyq baqylaý yq­paly­nyń deńgeıi men sıpaty ýaqyt pen halyqaralyq tájirıbe qoldanysyndaǵy standarttardyń talabyna sáıkes kele bermeıdi. Bul belgili bir deńgeıde qoǵam­dyq baqylaý sýbektileri qyzme­tiniń bútin bir júıe retinde qalyptasa qoımaǵandyǵymen baılanysty. Júıeli ári yqpaldy qoǵamdyq baqy­laý qalyptasý úshin mundaı qurylymǵa negiz bolatyn arnaıy zań qabyldanyp, onyń qyzmeti men mindetine, maqsat-múddesine zańnamalyq turǵyda naqty aınyqtama berilip, rettelýi tıis.

– Búgingi forýmdaǵy eń negizgi ári basty máseleniń biri volonterlyq taqyry­by dep bilemin. «Volonter jyly» aıaqtalyp keledi, alaı­­da forým barysynda volon­­ter­lerdiń aldynda áli de qyrýar is kútip turǵany aıtyl­­dy. Búgin úkimettik emes uıymdarmen tájirıbe almasa otyryp, azamattardyń qoǵamdyq belsendiligin arttyrý joldary, jumysty uıym­dastyrý, naqty bir má­sele boıynsha belgili bir nátıjege qalaı qol jetkizýge bolatyny týraly paıdaly aqparat aldyq, – dedi «El Erteńi» jastar qoǵamdyq bir­lestiginiń tóraǵasy Bolat Qalıev.