Еженедельная региональная аграрная общественно-политическая газета, г.Костанай, ул.Тәуелсіздік 83, Офис 623, 54-08-30, 91-78-51 kostanay-agro@mail.ru

Мы в соцсетях

Jańa tehnkıamen jabdyqtaldy

Qostanaılyq qutqarýshylarǵa 13 avtotehnıka men qutqarý barysynda paıdalanylatyn arnaıy qurylǵylar tabys etildi. Saltanatty sharaǵa Qostanaı oblysynyń ákimi Arhımed Muhambetov qatysty.

Aımaq basshysy qutqarýshylarǵa «KamAZ» jáne «Ýral» zaýyttarynan shyqqan jańa avtosısterna, avtosaty jáne avtokran kólikteriniń kiltterin tabys etti. Sondaı-aq, qutqarý qyzmetiniń avtoparki jolaýshylar avtobýsy, 2 apattyq-qutqarý kóligi jáne batpaqty-sazdy jerden irkilmeı óte shyǵatyn jol talǵamaıtyn 2 arnaıy avtokólikpen tolyqty. Mundaı qýatty tehnıkalar qolaısyz aýa raıy jaǵdaıynda, sondaı-aq jolsyz jerde apattyq-qutqarý jumystaryn júrgizýdi jeńildetedi.

Al 50 metrlik satysy bar jańa AL-50 avtokólikteri qutqarýshylardyń 17-18 qabatty ǵımarattarǵa jedel kóterilýine múmkindik beredi.

Munyń syrtynda, qutqarýshylarǵa apatty jaǵdaıda paıdalanylatyn jańa qutqarý quraldarynyń jıyntyǵy, pılotsyz ushatyn qurylǵylar, sondaı-aq birinshi deńgeıdegi qorǵanysh sapasy bar 170 órt sóndirýshi kıimi berildi.

Óńirdiń qutqarý qyzmetterin qajetti quraldarmen qamtamasyz etý áli de jalǵasatynyn aıtqan Arhımed Muhambetov: «Búgin tapsyrylǵan jańa ári qýatty tehnıkalar sizderge túrli tótenshe jaǵdaıda turǵyndardy qutqarýǵa kómektesedi», — dedi Arhımed Muhambetov.