Облыс орталығында сайлау науқаны қарқынды өтіп жатыр. Оның ішінде, «Юбилейный» шағын ауданында орналасқан №857 сайлау учаскесінде қостанайлықтар азаматтық міндетін орындауға, өз таңдауларын жасауға асығуда.

Аталмыш сайлау орны Жастар сарайында орналасқан. Мұнда карантиндік талаптар қатаң сақталған. Мәселен, кіреберісте әрбір сайлаушыға жеке медециналық қорғаныш заттары мен қалам үлестіруде. Ары қарай әлеуметтік қашықтықты сақтап бюллетен алып, дауыс беру бөліміне өтесіз. Әзірге шағын ауданда тіркелген он мыңға жуық тұрғынның тең жартысы өз таңдауын жасап үлгерген.
-Бүгін ертемен тұрып, дауыс беруге келдік. Өз таңдауымызды жасадық. Бастысы, елде тыныштық болса деп тілеймін,-дейді кейуана Нұржамал Бақытқызы.

Учаске комиссиялары айтқандай, әзірге ешқандай ережебұзушылық тіркелген жоқ. Барлық санитарлық-эпидемиологиялық талаптар сақталуда.