Қостанай облысының әкімі Архимед Мұхамбетов КВИ таралуына жол бермеу бойынша жедел штабтың кезекті отырысын өткізді. Штаб отырысы барысында Арқалық қаласы мен Амангелді ауданының әкімдері баяндама жасады.

Сонымен қатар, әкімдер мониторингтік топтардың жұмысын қарастырды. Ағымдағы жылдың 1 қыркүйегінен бастап мониторингтік топтар 2 661 рейдтік іс-шара өткізді, 122 карантиндік шаралардың бұзылуы анықталды.

Өкінішке қарай, эпидемиологиялық жағдайдың нашарлауы байқалады. Соңғы аптада ғана облыста (13-19 қазан аралығында – 735 жағдай) алдыңғы жағдаймен салыстырғанда (6-12 қазан аралығында – 678 жағдай) сырқаттану 8,4% — ға өсті.

Қазіргі уақытта инфекциялық ауруханалардың жүктемесі 39% — ды құрайды. 643 адам емделуде, мысалы, 1 қазанда 600 адам болды, өсім 7,2%. Санитарлық-эпидемиологиялық ахуалдың нашарлауы халықтың вакцинациялаудың төмен көрсеткіштерімен байланысты.

Қазіргі уақытта бірінші компонентпен вакцинациялаудан 324, 3 адам немесе 64,2% өтті, оның ішінде екінші компонентпен 300,6 адам немесе 59,5% вакцинацияланды.

Қазіргі уақытта «Ashyq» жобасына қатысу үшін 5158 өтінім берілді.

Сондай-ақ, ҚР премьер-министрі Асқар Мамин елдегі екпе салдырудың қарқыны төмендегенін айтып, әкімдерге халық арасында вакцинацияны ұлғайтуды тапсырды.

«Қазіргі уақытта 8,2 млн-нан астам адам бірінші компонентпен, ал екіншісімен — 7,4 млн-ға жуық адам егілді. Көріп отырғанымыздай, вакцинация қарқыны төмендеді. Бірінші кезекте артта қалған өңірлерде екпе салдыруды ұлғайту керек», деді ҚР премьер-министрі Асқар Мамин.

Ол Маңғыстау, Батыс Қазақстан, Қостанай, Ақмола облыстары мен Нұр-Сұлтан қаласы әкімдері бұл мәселені жеке бақылауға алып, қажетті вакциналауды қамтамасыз етуі қажет екенін айтты.

Оның айтуынша, Қазақстанда эпидемиологиялық жағдай бақылауда, алайда көрші елдердегі жағдайдың күрделенуі байқалады.

«Сондықтан өңірлердің, әсіресе шекара маңындағы өңірлердің әкімдері санитарлық-эпидемиологиялық нормалардың қатаң сақталуын қамтамасыз етуі керек. Сырқаттанушылық деңгейіне нақты мониторинг жүргізу және жедел шаралар қабылдау, мониторингтік топтардың жұмысын жандандыру, ал денсаулық сақтау министрлігі мемлекеттік шекарада эпидемиологиялық бақылауды күшейтсін», деп түйіндеді ҚР премьер-министрі Асқар Мамин.