Қостанай облысында ауыл шаруашылығы тауарын өндірушілердің, ғылыми мекемелердің, «Бәйтерек» ҰБХ АҚ қаржы институттарының қатысуымен 2022 жылғы көктемгі егіс жұмыстарын уақтылы жүргізу мәселелері бойынша облыстық агрокеңес өткізілді.

Жаздық егіс 4,8 млн га жерге ұлғайды, оның ішінде дәнді және бұршақты дақылдар – 3,9 млн га, майлы дақылдар – 651,7 мың га (өткен жылмен салыстырғанда 44,3 мың га артық), қарақұмық – 12,2 мың га.картоп егу алаңы 4426 га, көкөністер – 1724 га. мұның бәрі облыс халқын әлеуметтік маңызы бар азық-түлікпен қамтамасыз етуге мүмкіндік береді.

Егіс науқанын уақтылы жүргізу үшін 530 мың тонна тұқым, оның ішінде бірегей тұқымдар – 3112 тонна, элиталық тұқымдар – 25 304 тонна, 1–3 репродукция тұқымдары – 484 574 тонна, 4 репродукция тұқымдары – 17 024 тонна себілді.

Соңғы үш жылдағы сабақтарды ескере отырып, облыста құрғақшылыққа төзімді дақылдардың, атап айтқанда мақсары егістігін 126,8 мың гектарға дейін ұлғайту белгіленген (өсім 42 мың гектарды құрайды).

Сонымен қатар, 2021 жылы облыста 1447 га суармалы жер пайдалануға берілді (жемшөп, картоп және көкөніс өсірілді), ағымдағы жылы тағы 1420 га енгізу жоспарлануда. Өткен жылы ауа райының қолайсыздығына байланысты ылғалмен қамтамасыз ету бойынша 69 мың тонна минералды тыңайтқыш енгізілді, ағымдағы жылы бұл көлемді 80 мың тоннаға дейін арттыру жоспарлануда.

Егін егуге 20 мыңнан астам трактор, 22 мың тұқым сепкіш, 1200 өнімділігі жоғары егіс кешені және басқа да техника қатысатын болады. Бүгінгі таңда техниканың дайындығы 92% құрайды. Облыстың ауыл шаруашылығы тауарын өндірушілеріне көктемгі дала жұмыстарын жүргізуге 71 мың тонна жеңілдетілген дизель отыны бөлінді.

Көктемгі егіс және егін жинау жұмыстарын қаржыландыру «Аграрлық несие корпорациясы»АҚ арқылы жүзеге асырылады. Ағымдағы жылы қаржыландыру көлемі 26 млрд теңге шегінде жоспарланып отыр. «Азық-түлік корпорациясы» АҚ арқылы ауыл шаруашылығы өнімдерін форвардтық сатып алу арқылы ағымдағы жылы қосымша 22,9 млрд теңге бөлінді (өткен жылмен салыстырғанда 13 млрд теңгеге артық).

Жалпы, қолда бар өндірістік және еңбек әлеуеті көктемгі егіс жұмыстарын оңтайлы агротехникалық мерзімде жүргізуге мүмкіндік береді.