Шөптібай БАЙДІЛДИН,
Тарихшы, қолөнер шебері, Арқалық қаласының құрметті азаматы:

-Таяуда ұлт ұстазы Ахмет Байтұрсынұлының 150 жылдық мерейтойына байланысты Торғайда аса ауқымды іс-шара өтпек. Оған облыс халқы жан-жақты дайындық жасап жатыр. Қостанай облысының барлық қалалары мен аудандары дайындық үстінде. Оның ішінде біздің Арқалық қаласы асқан белсенділікпен атсалысуда.
Бабамыздың туған күніне мемлекет басшысы Қасым-Жомарт Тоқаев келеді деген қуанышты хабар естідік. Әрине, Президентіміздің бұндай шараға келуі халықтың бір мәртебесін, беделін көтеріп тастайды.
Биыл көктемде өткен Президент Жолдауында үш облыс ашылды.
Торғай халқының рухы Ахмет бабамыздың торқалы тойымен бірге көтеріледі деген үміттеміз.
Президенттің киелі Торғайға келуі – халыққа үлкен бір мәртебе. Мереке қайырлы, құтты болсын. Халқымыз аман, еліміз тыныш болсын!