Қостанайда «Жомарт жүрек» сыйлығының лауреаттарына құрмет көрсетілді. Рәсім Қостанайдағы Жастар сарайында өтті. Оған Қостанай облысының әкімі Архимед Мұхамбетов қатысты. Бұл іс-шара Қазақстан Республикасының Конституция күні қарсаңында ұйымдастырылды.

— Құрметті қостанайлықтар, сіздерді келе жатқан Қазақстан Республикасының Конституциясы күнімен құттықтаймын. Бұл ең жоғары құндылықтарды, азаматтардың құқықтары мен бостандықтарын, ең бастысы – мемлекеттің осы құндылықтарын қорғаудағы міндеттерін жариялаған елдің Негізгі Заңы. Отан тағдыры үшін жауапкершілік қағидаты мемлекеттік және өңірлік бағдарламаларда заңды көрініс табады. Оның дәлелі-»Жомарт жүрек» сыйлығы, оның арқасында біз бес жыл бойы бизнес-құрылым өкілдерін, меценаттарды, үкіметтік емес ұйымдар мен еріктілерді құрметтейміз. Бүгін бұл тізім тағы бес қостанайлықпен толықтырылады, – деп атап өтті Қостанай облысының әкімі Архимед Мұхамбетов.

«Жомарт жүрек» сыйлығын ҚР Ақпарат және қоғамдық даму министрлігі тағайындады. Мақсат – Қазақстандағы қайырымдылық қызметтің дамуына елеулі үлес қосқандарды іздестіру және көтермелеу. Сыйлық жыл сайын екі деңгейде беріледі: республикалық және өңірлік. Осы жылы біздің өңірде облыстық кезеңге 67 өтінім келіп түсті.

— Қостанайлықтардың еңбегінің арқасында ағымдағы жылы біз өңдеу өнеркәсібінің өсімін 12,3% – ға қамтамасыз ете алдық, құрылыста бұл көрсеткіш 12,1% – ға, тұрғын үйді пайдалануға беру 13,2% – ға өсті. Біз ел экономикасына 213,7 млрд.теңге тарта алдық, бұл 6,7% – ға өсуді көрсетеді. Жоғарыда аталған жетістіктермен қатар біз қайырымдылық және риясыз көмек дәстүрлерін сақтағанымызды атап өткім келеді. Сондықтан кіші Отан тағдыры үшін жауапкершілік қағидаты мемлекеттік және өңірлік бағдарламаларда заңды көрініс табады, – деді өз сөзінде өңір басшысы Архимед Мұхамбетов.

ҚР Конституциясы күні қарсаңында соңғы уақытта игі істерімен ерекше көзге түскен үздік бестікті марапаттады. Нәтижесінде «Жыл тұлғасы» номинациясында (белсенді филантропиялық қызметі үшін) Геннадий Кригер марапатталды. Виктор Ковальский «Жыл меценаты» (белсенді меценаттық қызметі үшін) номинациясын иеленді. «Туған өлке» (кіші отанды қолдау жөніндегі әлеуметтік маңызы бар жобаларды іске асырғаны үшін) Еркін Бұқановқа табыс етілді.

«Жылдың үздік ұйымы» қайырымдылық бағдарламасын тиімді жүзеге асырғаны үшін «Варваринское»АҚ атап өтті. Ал «Жылдың үздік қамқоршысы» (кешенді қайырымдылық қызметі үшін, елеулі әлеуметтік-маңызды өзгерістер мен қайта құруларға әкеп соққан қайырымдылық көмегі үшін) иегері «Қостанай облысы бойынша Іскер әйелдер қауымдастығы»қоғамдық бірлестігі болды.

Мереке қарсаңында Қостанайда «Түркі әлемі» халықаралық өнер фестивалі өтуде. Іс-шараға қырғыз, өзбек, башқұрт халықтарының талантты әртістері қатысты.

Өңір басшысы Конституция күніне арналған осындай өнер мерекесіне қатысқан түркітілдес қонақтарға ерекше алғысын білдірді.

Бетті дайындаған Маржан Алпыс, суреттерді түсірген автор