Облыстық мәслихаттың 2022 жылғы бюджетті атқару жөніндегі кезекті сессиясы 30 мамырда өтті.
Оны өткізу барысында облыс әкімінің орынбасары Ерлан Спанов өткен жылдың толық қаржылық есебін ұсынды. Қостанай облысы бойынша Тексеру комиссиясының 2022 жылғы жұмысының қорытындылары туралы аудиторлық комиссияның нәтижелері бойынша Тексеру комиссиясының төрағасы Дмитрий Костюков есеп берді.
Депутаттардың бюджет бойынша есепті зерделеп, Қостанай облысының бюджеттік бағдарламалар әкімшілеріне ұсыныстар мен ұсынымдар әзірлеуге бірнеше күн болды. Мәслихат сессиясында 9 негізгі мәселе бойынша ұсынымдарды Қостанай облыстық мәслихатының бюджет және өңірдің экономикасын дамыту мәселелері жөніндегі тұрақты комиссиясының төрағасы Серік Манасбаев айтып берді.
Қостанай облысы әкімдігінің қаржы басқармасына салық салу мақсатында ауылдық жерлердегі мүлікті жыл сайынғы бағалаудың күшін жою бөлігінде заңнамаға ұсыныс енгізуге бастамашылық жасау ұсынылды. Қостанай облысының әкімдігіне басқа да ұсыныстардың ішінде бюджеттік бағдарламалар әкімшілерінің бухгалтерлерінің біліктілігін орталықтандырылған және тұрақты арттыру жөніндегі іс-шаралар жоспарын әзірлеу ұсынылды. Бұл мәселені алдын ала тыңдауларда депутаттар бірнеше рет айтқан.
«Қостанай облысы әкімдігінің білім басқармасы» ММ Жітіқара ауданының жергілікті атқарушы органымен бірлесіп «Арман»балалар сауықтыру лагерін реконструкциялаудың (күрделі жөндеудің) орындылығы мәселесін қарауы тиіс. Рудный қаласының жергілікті атқарушы органымен, Қостанай облысы әкімдігінің дене шынықтыру және Спорт басқармасымен бірлесіп, Рудный қаласының білім бөлімінің «Балалар мен жасөспірімдердің дамуы мен шығармашылығы сарайы» коммуналдық мемлекеттік қазыналық кәсіпорнының және оған іргелес спорт залының теңгеріміне қайтарудың орындылығы мәселесін зерделеу.
«Қостанай облысы әкімдігінің дене шынықтыру және спорт басқармасы» ММ «Қостанай облысы әкімдігінің білім басқармасы» ММ-мен бірлесіп, спорт мектептерінің оқу-жаттығу процесін өткізу үшін облыстың жалпы білім беретін мекемелерінің спорт залдарын ұсыну бөлігінде өзара іс-қимыл мәселесін қарастыру ұсынылды. Әулиекөл ауылында орналасқан спорт залын күрделі жөндеу бойынша шаралар қабылдансын. Қостанай облысында спорт мектеп-интернатын ашу мүмкіндігі туралы мәселені қарастыру. «Қостанай облысының тексеру комиссиясы» ММ кәсіпкерлікті дамыту үшін гранттарға бөлінген қаражаттың тиімділігі тұрғысынан сараптамалық-талдамалық іс-шара өткізу ұсынылсын.
Сессия соңында Қостанай облысы Қоғамдық кеңесінің төрағасы Серік Бектұрғанов сөз сөйледі. Қоғамдық кеңес мүшелеріне есепті назарға алуды ұсына отырып, ол Қостанай облысының 2021–2025 жылдарға арналған өңірдің әлеуметтік-экономикалық дамуы жөніндегі даму жоспарын іске асыру өзінің оң нәтижелерін беретінін атап өтті. Сонымен қатар, баяндамашы өткен жылы Қоғамдық кеңес көтерген «Бюджет» бөлімінде мемлекеттік органдардың сайттарында орналастырылатын ақпараттың сапасы мен толықтығын арттыру мәселесі әлі де төмен деңгейде қалып отырғанын әділ атап өтті. Оны Сайлаубек Ещанов қолдады:
— Цифрландыру дәуірінде депутаттар ғана емес, кез келген тұрғын да бір түймені басу арқылы бюджетке қатысты кез келген ақпаратпен таныса алуы тиіс. Барлық сөз сөйлеушілерге облыстық мәслихат депутаттары мен қоғамдық кеңес мүшелері бірқатар сұрақтар қойды, онда сумен жабдықтау және жолдарды қайта жаңарту бөлігінде ауылдарды дамыту проблемаларын қозғады, балаларға арналған тегін спорт секцияларының қолжетімділігі туралы мәселе айтылды. Махаббат Жутаев ең көп бұзушылықтар байқалатын бағыттар туралы дәлірек ақпарат берудің орындылығы туралы айтты.
Аудит нәтижелері бойынша аймақты кері тартатын бюджеттік әкімшілердің атауларын айту қажеттілігі туралы пікір айтылды. Депутат Қырмызы Жаңбыршина тікелей тексеру комиссиясының төрағасына қаржылық тәртіпті бұзған мекемелерде аудит жүргізудің қайталама мерзімдері туралы сұрақ қойды. Дмитрий Костюков жыл ішінде, әдетте, үш-төрт мемлекеттік мекеме қаржылық аудитке ұшырайтынын және қайта тексеру кезінде бұрын жіберілген қателіктер, әдетте, қайталанбайтынын айтты.
Бетті дайындаған Бақыт ТҰРАШ, суреттер Василий Васильевтікі
