Қостанай облысының әкімі Қ. Ақсақаловтың басшылығымен Қостанай облысы әкімдігінің отырысы өтті. Отырыста егін жинау науқанын өткізу барысы туралы облыстың ауыл шаруашылығы басқармасының басшысы Ибрагим Бекмұхамедов баяндады.

Ағымдағы жылдың 1 тамызындағы жағдай бойынша ауыл шаруашылығы тауарын өндірушілер 724 түрлі техника сатып алды, өткен жылмен салыстырғанда 130 бірлікке артық.

2023 жылы машина-трактор паркін жаңарту 8,3% құрады.

Облыста 37 лицензияланған астық қабылдау кәсіпорны, жалпы сақтау сыйымдылығы 8,3 млн тоннаны құрайды. Оның ішінде элеваторларда – 3 млн.тонна, АШТӨ – де-5,3 млн тонна. Элеваторлардың жүктемесі 24,3% (өткен жылдың өнімі). Қазіргі уақытта егінді қабылдауға дайындық 95% құрайды.

Облыс басшысы Құмар Ақсақалов аудан әкімдеріне астықты, оның ішінде азық-түлік корпорациясына тапсыруға жататын астықты қабылдау бойынша элеваторлардың үздіксіз жұмысын қамтамасыз етуді бақылауға алуды тапсырды.

«Мен аудандар мен ауылдық округтердің әкімдеріне аулаларды аралап, халықты, әсіресе әлеуметтік осал топтарды үй шаруашылығына жем-шөппен қамтамасыз ету бойынша жағдайды мониторингілеуді тапсырдым. Қазір шаралар қабылдау қажет. Әкімдер бұл мәселені жеке бақылауда ұстасын», – деп атап өтті облыс әкімі.

Бүгінгі таңда дизель отынының нарықтық бағасы – 295 теңгені құрайды.

Премьер-Министрдің тапсырмасы бойынша АШТӨ үшін баға литріне 250 теңгеге дейін төмендетілді.

Қ. Ақсақаловтың айтуынша, ЖЖМ соңғы сәтке кейінге қалдырмай, жоспарға, кестеге сәйкес сатып алу қажет.

Бұдан әрі денсаулық сақтау басқармасының басшысы С. Жандаевтың дәрілік заттармен қамтамасыз ету жөніндегі баяндамасын тыңдады. Бұл мәселе аймақта тұрақты бақылауда. Стационарлық дәріханаларда барлық қажетті дәрі-дәрмектер бар. Дәрі-дәрмектерді сатып алу және жөнелту тұрақты негізде жүргізіледі. Денсаулық сақтау басқармасы бұл мәселені бақылауда ұстауы қажет.

Облыс көлеміндегі 517 ауылдың 488-і ФАП, дәрігерлік амбулатория, мед.пункт іспетті медициналық нысандармен қамтылған. Солардың 334-де ғана дәріхана бар.

Біздің міндетіміз – жыл соңына дейін ауылдарды толықтай дәріханалармен қамтамасыз ету. Ауылдықтар дәрі-дәрмек іздеп, аудан орталықтарына сабылмауы тиіс.

Құмар Ақсақалов Денсаулық сақтау басқармасына осы көрсеткішті ағымдағы жылдың соңына дейін 100% – ға жеткізуді тапсырды.