Биыл 1916 жылғы ұлт-азаттық қозғалысы жетекшілерінің бірі, патша әскеріне қарсы күрестің белсенді қатысушысы Амангелді Имановтың туғанына 150 жыл толып отыр. Осы мерейтой аясында батырдың туған елінде мерекелік іс-шаралар басталып кетті.

Халық батыры Аманкелді Имановтың 150 жылдық мерейтойына арналған ұлықтау мерекесі сәуір айында ел ордасы Астанадан бастау алып, күні бүгінге дейін республикалық деңгейде аталып өтуде. Бүгін батырдың ізі қалған Аманкелді ауданында басталған дүбірлі той қыркүйек айының тоғызына дейін жалғаспақ.

Амангелді Иманов – XIX–XX ғасырлар тоғысында ұлттық сананың дамуында маңызды рөл атқарған тарихи тұлға. 1916 жылғы Орта Азиядағы империялық билікке қарсы көтеріліс жетекшілерінің бірі, Торғай мен Торғай облысында Кеңес өкіметінің орнауына қатысушы, Әліби Жангелдиннің серігі, Азамат соғысына қатысушы. Ол 1919 жылы тарихшылардың бір нұсқасы бойынша ақ гвардияшылардың қолынан қаза тапты.

— Республикалық деңгейде өтіп жатқан ауқымды іс-шараларымыздың тұсаукесерін суда жүзуден 2013 жылы туған және одан кіші жастағы балалар арасындағы облыс чемпионатынан бастап отырмыз. Аталған чемпионат аудан тарихында тұңғыш рет өткізілуде. Біріншіліктің ауданымызда өтуі бізге, елге көрсетілген үлкен құрмет», – деп атап өтті Аманкелді ауданының әкімі Талғат Карбозов.

Жарысқа Қостанай, Лисаковск, Рудный, Арқалық қалалары мен Аманкелді ауданының командалары қатысуда.

Биыл Амангелді Имановтың туғанына 150 жыл. Оның тұлғасы тарихымыздың кеңестік кезеңінде ұлт-азаттық қозғалыстың қаһарманы ретінде ел аузында қалды. Осы уақытқа дейін Қазақстан қалаларындағы көптеген көшелер оның есімімен аталады, Қостанай облысында қоғам және саяси қайраткерге арналған мұражай жұмыс істейтін Амангелді ауылы бар. 1938 жылы режиссер Моисей Левиннің «Амангелді» кинофильмі экранғы шықты, сценаристер қатарында қазақ жазушылары Бейімбет Майлин мен Ғабит Мүсірепов те болды. Халық қаһарманы туралы көрнекті жазушылар пьесалар мен поэмалар жазды, қазақ бейнелеу өнерінің негізін салушы Әбілхан Қастеев өзінің ең танымал туындыларының бірі – Амангелді Имановтың портретін салды.

150 жылдық мерейтой аясында бірқатар спорттық және мәдени іс-шаралар ұйымдастырылады. Аталмыш той 9 қыркүйекке дейін жалғасады.

Бетті дайындаған Бақыт ТҰРАШ, суреттер ғаламтордан алынды