Елімізде алғаш рет аудандар мен қалалардың әкімдерін тікелей сайлау өтеді.

2020 жылы президент халыққа үндеуінде әкімдерді тікелей сайлау өткізу туралы бастама көтерді, яғни ауылды, ауданды немесе қаланы басқаратындар тағайындалмайды, бірақ адамдардың өздері таңдайды. Бұл жаңашылдық елде жүргізіліп жатқан саяси реформаның бір бөлігі.

«Ауылдық округтердің 198 әкімдерінің 75-і екі жарым жылдың ішінде тікелей сайлаудан өтті. Біз жақсы, оң нәтижелерді көріп отырмыз. Енді осы жылдың өзінде сайлау өтетін аудандар мен қалалардың тізімін анықтайтын кез келді», – деп атап өтті Қостанай облысының әкімі Құмар Ақсақалов.

Дәл осы үшін бүгін Қостанай облыстық мәслихатының депутаттары кезектен тыс сессияға жиналды. Ең алдымен олар сайлау өтетін күнді анықтады. Бірауыздан 2023 жылдың бесінші қарашасы таңдалды, өйткені бұл демалыс күні. Содан кейін халық қалаулылары нақты қай аудандарда адамдарға әкімді таңдауға мүмкіндік беретін ұсыныстар бере бастады.

Бұдан соң облыстық мәслихаттың 24 депутаты әкім сайлауын өткізуге лайық пилотты өңірлерді таңдауға салды. Отырыс барысындағы жекелеген ұсыныстар нәтижесінде сегіз өңір, атап айтқанда, алты аудан екі қала іріктелді. Қырмызы Жаңбыршина бастаған арнайы комиссия депутаттардың ортақ дауыс беру қорытындыларын жасады. Көпшілік дауыс үлесімен басым түсіп, әкім сайлауы Алтынсарин, Қарабалық, Федоров, Денисов аудандары мен Рудный қаласында өтетін болды.

Нәтижесінде сегіз аудан мен екі қала-Лисаковск пен Рудный тізімге енді. Қостанайда бірде-бір депутат әкімді таңдауды ұсынған жоқ. Бұдан әрі халық қалаулылары ашық дауыс беруге кірісті, соның нәтижесінде бесінші қарашада адамдар әкімді қай жерде таңдайтыны белгілі болды.

«Депутаттардың жалпы санының көпшілік даусын депутаттар ұсынған бес өңір қолдады. Бұл Алтынсарин, Денисов, Қарабалық және Федоров аудандары мен Рудный қаласы. Қорытынды құжат және дауыс беру хаттамасы Қостанай облыстық мәслихатының ресми интернет-ресурсында орналастырылады», – деді Қостанай облыстық мәслихатының төрағасы Сайлаубек Ещанов.

Айта кету керек, аудандар мен облыстық маңызы бар қалалардың әкімдеріне кандидаттарды ұсыну ауыл әкімдерінің сайлау процесіне ұқсас жүргізілетін болады. Саяси науқан 2023 жылдың 5 қарашасына белгіленді.