Мемлекет басшысының тапсырмасына сәйкес қазір жаппай тазалық және қаланы абаттандыру жұмыстары қолға алынды. Бұл іс-шара Қостанай облысындағы барлық мемлекеттік органдар мен жеке кәсіпкерлердің бірауыздан қолдау табуымен жүзеге асып жатыр. Мәселен, өткен аптада танымал спортшылар бастаған ұжым мен мемлекеттік қызметкерлер ағаш егу жұмыстарын жүргізді.

Жер тоңы жібіп, алғашқы көк дүркіреп шыға бастаған кезде шыбық қадап, тал отырғызу-сауапты іс. Қазақта «Атадан мал қалғанша, тал қалсын» деген аталы сөз бар. Асыл дініміз бойынша да жеміс ағаштарын егу сауапты амал. Егілген жеміс ағаштарының жемістерін тек адам ғана емес, жәндіктер мен құстарда жесе, сауап болады.

Мәселен, 8 сәуірден бастап бүкіл ел бойынша Мемлекет Басшысы Қасым-Жомарт Тоқаевтың тапсырмасы бойынша «Таза Қазақстан» ауқымды экологиялық акциясы белсенді өтуде. Бүкіл ел бойынша қазақстандықтар аулалар мен көшелерді қоқыстардан тазартаып, ағаштар отырғызды, аумақтарды ретке келтірді.

Қостанай облысы да акцияға белсенді қатысады. Бүгін іс-шаралар аясында Қостанай облысының әкімдігінің қызметкерлері, танымал спортшылар конькиден Әлем чемпионы Денис Кузин, Нұрбол Жұмасқалиев Юбилейный шағын ауданын абаттандыруға қатысты.

Танымал футболшы, «Тобыл» ФК спорттық директоры Нұрбол Жұмасқалиев атап өткендей, бұл акция бір реттік науқан емес:

«Енді мұндай іс-шаралар тұрақты негізде өткізілетін болады деп ойлаймын. Бұл біздің қаламызды шынымен таза және абаттандыруға мүмкіндік береді. Акцияға қарамастан, жылы ауа райының басталуымен бізде көгалдандыру бойынша жалпы облыстық іс – шаралар өткізілуде», – деп атап өтті Нұрбол Жұмасқалиев. «Бүгін біз аумақты кезекті тазалауға, сондай-ақ ағаш отырғызуға шықтық».

Қостанай облысы әкімдігінің ақпаратына сүйенсек, ағымдағы жылы облысты абаттандыруға 11 млрд.теңгеден астам қаражат бөлінді.

«Бұл қаражатқа санитарлық тазалау, көгалдандыру, қоршаулар, балалар және спорт алаңдары орнатылады, саябақтар мен алаңдар абаттандырылады, бейнебақылау камералары орнатылады», – делінген әкімдік ақпаратында.

Акцияға қатысуға жергілікті кәсіпкерлер белсенді түрде қосылуда.

«Қазіргі таңда қаламыз бойынша бизнес өкілдерімен бірлесіп жұмыс басталды», – деп атап өтті қала әкімі Марат Жүндібаев. – «Бізде әрбір ауланы абаттандыру бойынша іс-шаралар жоспары әзірленді, оған сәйкес жұмыс жүргізілетін болады. Осылайша, тазалық пен тәртіп тек қала орталығында ғана емес, әрбір аула да болады».

Денис Кузин, конькиден Әлем чемпионы:

— Қаланың әрбір тұрғыны өзінің тұрғылықты жеріне жауапкершілікпен қарауы, абаттандыру мен көгалдандыруға қатысуы тиіс. Бүгін біз «Таза Қазақстан» республикалық науқаны аясында тал егіп, қаланы абаттандыруға өз үлесімізді қостық.

Мемлекет басшысы Қасым-Жомарт Кемелов атап өткендей, акцияның негізгі мақсаты – тек тазалықты сақтау ғана емес, сонымен қатар өскелең ұрпақтың бойында экологиялық мәдениетті тәрбиелеу болып табылады.

«Осындай акциялармен біз өскелең ұрпаққа үлгі көрсетіп, басты ойды жеткізуге тырысамыз – біздің қаламыздың маңайындағы тазалықты өз үйімізде жасағандай сақтау қаншалықты маңызды екенін», – деді Марат Жүндібаев. – «Таза Қазақстан» акциясы барлық тұрғындарды ерекше экологиялық мәдениетке баулиды деп санаймын. Сонымен қатар, мұндай жаппай іс-шаралар адамдарды біріктіреді. Сондықтан, мүмкіндігінше біз бұл тәжірибені әрі қарай жалғастырамыз».

Жергілікті билік тұрғындар мен бизнестің қолдауына ие бола отырып, қоқысты тазалап қана қоймай, облыс орталығын ғана емес, барлық елді мекендерді қамти отырып, аумақты кешенді абаттандыруға ниетті.

Бетті дайындаған Бақыт ТҰРАШ, суреттер Қостанай облысы әкімінің баспасөз қызметінен алынды