Қостанай облысының әкімі Құмар Ақсақаловтың төрағалығымен облыс әкімдігінің отырысы өтті, онда 2024 жылғы автожол саласындағы құрылыс-монтаждау жұмыстары және жылыту маусымының аяқталуы, алдағы маусымға дайындық мәселелері қаралды.

Жергілікті автожол желісін қаржыландыру тұрақты өсіп келеді. Биыл жергілікті және Республикалық маңызы бар жолдарды жөндеуге бөлінген қаржы 63 миллиард теңгеден асты, бұл өткен жылмен салыстырғанда 13% – ға артық. Бұл елді мекендердегі жалпы пайдаланымдағы 1400 шақырымға жуық жол мен 371 көшені жөндеуге мүмкіндік береді.

Аталған жоспарды жүзеге асыру басталды. Алдағы үш жыл ішінде жөндеу жұмыстары облыстың барлық елді мекендерін қамтиды.

Жаяу жүргіншілер аймақтарын жөндеуге де ерекше назар аударылады. Биыл алғаш рет осы мақсатқа шамамен 1 миллиард теңге бөлінді. Ауылдық жерлерде ғана емес, облыс қалаларында да 35 шақырымға жуық тротуарларды жабдықтау жоспарлануда.

«Жалпы, 2024 жылға ауқымды жұмыс жоспарланған. Мемлекет басшысының тапсырмасына сәйкес, 2025 жылға қарай облыстағы жақсы және қанағаттанарлық жағдайдағы жолдардың үлесі 95% – ға жетеді», – деп атап өтті облыс әкімі Құмар Ақсақалов.

Мемлекет басшысының тапсырмасын орындау бойынша жұмыс жалғасуда, оған сәйкес 2029 жылға дейін жылумен жабдықтау тозуын 43% – ға дейін төмендету қажет.

Осыған байланысты жыл сайын осы саланы қаржыландыру ұлғаяды. Мәселен, өткен жылы сома 7 есеге ұлғайтылып, 13,7 млрд теңгені құрады. 20 км-ден астам жылу желілері жаңартылып, тозу 49,9% – дан 47,4% – ға дейін төмендеді.

Биыл жылумен жабдықтау бойынша жобаларды іске асыруға 6 жобаны іске асыруға 8 млрд теңгеден астам қаржы бөлінді.

Жылумен жабдықтау саласындағы тиісті жұмыстың негізгі көрсеткіші халықтан түсетін шағымдардың төмендеуі, сондай-ақ тіркелген бұзушылықтардың төмендеуімен бағаланатынын айта кеткен жөн.

Бақыт ТҰРАШ