Қостанай облысының әкімі Құмар Ақсақалов жұмыс сапарымен Меңдіқара ауданына барды. Бұл аудан ауыл шаруашылығын жүргізу үшін қолайлы жағдайларға ие.
Мәселен, Степановка мен Каменскуральскіде екі заманауи сүт кешені салынуда. Қуаты жылына 13 мың.тонна сүт өндіреді. Олардың біреуі жыл соңына дейін пайдалануға беріліп, 62 жаңа жұмыс орны ашылады.
Сапар барысында әкім Степановка ауылында сүт-тауар фермасы құрылысының барысымен танысты. Ферманың қуаттылығы жылына 9 мың тоннаға дейін болады және 50 жұмыс орны ашылады. Пайдалануға беру мерзімі – 2024 жылдың желтоқсан айы. Жобаға 6,3 млрд.теңге инвестиция салынды, оның ішінде 2,4 млрд.теңге кәсіпкердің өз қаражаты, 3,9 млрд теңге – «Тобыл» ӘКК АҚ жеңілдікті несиесі.
— Биыл облыстың агроөнеркәсіптік кешенін қолдауға 160 млрд теңге бөлінді. Қаражат техника лизингіне, субсидиялар мен фермерлерге несие беруге бағытталады. Алдағы үш жылға арналған міндет – АӨК-дегі өңделген өнімнің үлесін 70%-ға дейін арттыру. Ет, сүт және астықты терең өңдеу сияқты бағыттар басымдыққа ие, – деп атап өтті өңір басшысы Құмар Ақсақалов.
Бұған қоса шаруашлықы басшысы Еркін Бұқанов, жем-шөп жеткілікті деңгейде екенін атапөтті. Ауыл шаруашылығы алқабының көлемі 31 889 гектар, оның ішінде егістікке 20 958 гектар, жайылымға 10 931 гектар жер қарастырылған. Шаруашылық осы уақытқа дейін абердин-ангус тұқымын өсірумен айналысып келеді. Ферма әлеуетін арттыру үшін былтыр 300 млн теңгенің жобасын қолға алған, осы жылы аяқтауды көздеп отыр.
— Мал басын 680-ге жеткіздік. Алдағы міндет 1500 басқа дейін көбейту. Жобаны осы жылы аяқтаймыз. Нәтижесінде жылына 72 тонна ет өндіреміз, – деді Еркін Бұқанов.
«Президент Жолдауында Ауыл шаруашылығын дамытудың маңыздылығы атап өтілді», – деп атап өтті облыс әкімі Құмар Ақсақалов. – «Ағымдағы жылы АӨК-ні қолдауға 160 млрд.теңге бөлінді. Бұл қаражат техника лизингіне, ауыл шаруашылығы тауарын өндірушілерді субсидиялауға және кредиттеуге бағытталған. Агроөнеркәсіптік кешенге инвесторларды тарту жұмыстары жалғасуда. Міндет – үш жыл ішінде АӨК-дегі өңделген өнімнің үлесін 70%-ға дейін ұлғайту. Ет, сүт және астықты терең өңдеу сияқты бағыттар басымдыққа ие. Бұл салада бірқатар перспективалы инвестициялық жобалар іске асырылуда. Облыс әкімдігі мұндай жобаларды әрдайым қолдайтын болады».
Облыс әкімі Боровской орман шаруашылығы мекемесінде өрт қаупі бар кезеңге күштер мен құралдардың дайындығын тексерді. Мемлекеттік қордың жалпы ауданы-43 984 га, орманмен жабылған аумағы – 26 638 га, табиғи өрт қауіптілігінің орта класы-2,4. Штаттар: 1, 2 типті орман өрт станциясы (Боровское ауылы); 2, 1 типті орман өрт сөндіру станциялары (Степановка ауылы және Каменск-Орал ауылы); 3 уақытша өрт сөндіру пункті (Ұзынағаш ауылы, Көктерек ауылы, Маковка ауылы).
Сондай-ақ, облыс әкімі Құмар Ақсақалов Боровское ауылында екі қабатты екі тұрғын үйдің құрылысын тексерді. Құрылыс салушы – «СК KBS» ЖШС. Пәтерлер саны – 24. Тұрғын үй халықтың әлеуметтік осал топтарына арналған. Жоспарлы пайдалануға беру мерзімі ағымдағы жылдың қыркүйек айы.
Бұл нысандар ауылдағы өмір сапасын жақсартуға, оны тұрғындар үшін тартымды етуге арналған. Жобаларды іске асыру Меңдіқара ауданының ауылдық аумақтарын дамытудағы маңызды қадам болады.
Облыс әкімі Мұхамеджан Қарабаева атындағы оңалту орталығында болды. 150 төсек орталық 2021 жылдан бастап облыс тұрғындарына оңалту және қалпына келтіру көмегін көрсетіп келеді.
Сондай-ақ сапар барысында Құмар Ақсақалов Боровское ауылында дене шынықтыру-сауықтыру кешенінің ашылу рәсіміне қатысты. Болашақта осы жерде жабық мұз айдыны салынады.
— Өткен жылы біз үш ауданда осындай ірі сауықтыру кешенін аштық, ал биыл екі кешен ашылды, – деді Қостанай облысының әкімі Құмар Ақсақалов. – Қазір тағы алты нысанның құрылысы жүріп жатыр, біреуі Қостанай қаласында, қалғандары аудандарда. Біздің міндетіміз – барлық аудандарда осындай заманауи кешендер салу.
Спорт кешенінде футбол, баскетбол және волейбол ойындарына арналған үлкен спорт залы бар. Сондай-ақ, тоғызқұмалақ, асық ату және қазақ күресі сияқты ұлттық спорт түрлерін дамытуға арналған жекелеген мамандандырылған бөлмелер ашылған. Сондай-ақ, жаңа 18 орындық көлік сатып алынды.
— Осындай тамаша кешеннің ашылуымен құттықтаймын, – деді «Қарқын» агрофирмасының директоры Еркін Бұқанов ауылдастарына. – Осындай кешендердің арқасында ауылдың дамуы ешқашан тоқтамайды. Мұның бәрі балалар үшін. Сіздердің араларыңызда нағыз жеңімпаздар өсетініне сенемін. Ал біз бұған көмектесеміз. Мен осы кешенге өз атымнан электронды табло тарту етемін. Шот әрқашан алаң иелерінің пайдасына болады деп үміттенемін, – деді ол сөзінде.
Бұдан соң өңір басшысы Құмар Ақсақалов Меңдіқара ауданының тұрғындарымен кездесу өткізді, онда ауданның әлеуметтік-экономикалық жағдайы және оның даму перспективалары талқыланды. Халықпен кездесуде жол салу, аумақты абаттандыру, жылыту, сапалы сумен жабдықтау, автобус қатынасы және т. б. мәселелер көтерілді.
Бақыт ТҰРАШ
