Су тасқынынан зардап шеккен Қостанай облысының тұрғындары қоныс тойын атап өтті. Кілт тапсыру салтанатына Премьер-Министрдің орынбасары Қанат Бозымбаев қатысты. Жангелдин, Қостанай аудандарында, сондай-ақ Қостанай қаласынан 57 отбасы жаңа баспанаға ие болды. Бұған қоса, қазіргі таңда Амангелді және Жангелдин аудандарында 46 жеке тұрғын үйдің, сондай-ақ Арқалық қаласында 50 пәтерлі үйдің құрылысы жүргізіліп жатыр.

Қостанай облысында көктемгі су тасқынынан зардап шеккендерге келтірілген зиянды қалпына келтіру жұмыстары белсенді жүргізілуде.Жаңа үйлердің кілттерін Жангелдин ауданындағы Тәуіш ауылының және Қостанай ауданындағы Алтынсарин ауылының тұрғындары мен Қостанай қаласының тұрғындары алды.

Тәуіш ауылында 22 отбасы өздерінің жаңа үйлерін тапты. Жаңа қоныстанушыларды құттықтау үшін достары, туыстары мен көршілері жиналды. Адамдар өз бастан өткендерін жасырмай, эмоцияларымен бөлісті.

«Үлкен су келгенде біз бүкіл дүниемізден айырылыдық. Әрине, қатты уайымдадық және ешқайда кеткіміз келмеді. Бәрі артта қалғанына сене алмай тұрмын. Біз мал-мүлік үшін толық көлемде өтемақы алдық, бүгін жаңа үйге кіріп жатырмыз. Мен әрқашан ескі үйім туралы уайыдайтынмын, ол соңғы кездері мүлдем ескірген болатын. Менің балам бар және мен оған әрқашан жақсы жағдай жасағым келді. Осылайша, біз бұрынғы тұрғын үйден кетуге мәжбүр болдық. Бірақ қазір біз балаларыма және немерелеріме жаңа кең үйімізге қоныстанғаныма қуаныштымын. Енді біз Президентіміз бірнеше рет айтқан әділ Қазақстан қағидатын көріп отырмыз деп сенімді түрде айта аламыз. Көмектескендердің барлығына алғыс айтқым келеді, – дейді Тәуіш ауылының тұрғыны Азамат Әбдібеков.

Айта кету керек, зардап шеккендердің барлығына Арқалық қаласындағы пәтерлерге көшу немесе туған ауылында қалу ұсынылды. Торғай аймағының тұрғындары әрқашан туған жеріне деген сүйіспеншілігімен танымал, сол себепті көптеген отбасы Тәуіш те қалуға шешім қабылдады.

Кілттерді салтанатты түрде тапсыру рәсіміне Қазақстан Республикасы Премьер-Министрінің орынбасары Қанат Бозымбаев қатысты. Ол қостанайлықтарға шыдамдылық пен табандылық үшін алғысын білдіріп, бизнес өкілдері мен қиын сәтте бей-жай қалмаған азаматтардың су тасқыны салдарын жоюға қосқан үлесін атап өтті.

Көлқамыс ауылының тұрғындары да қуанышты оқиғаға дайындалуда. Онда жаңа үйлердің кілттерін 19 отбасы алуға дайындалып жатыр. Құрылысты аяқтау шілде айының соңына жоспарланған.

Сондай-ақ, Премьер-Министрдің орынбасары Арқалық қаласында су тасқынынан зардап шеккендерге арналған 50 пәтерлі заманауи үй құрылысының барысымен таныстырды. Құрылысты ағымдағы жылдың қыркүйек айында аяқтау жоспарлануда.

— Мемлекет басшысының тапсырмасы бойынша барлық күштер мен ресурстар су тасқынынан зардап шеккендерге келтірілген залалды тезірек өтеуге бағытталды. Тұрғындарға келтірілген барлық залал толық көлемде өтелді. Зардап шеккендерге 315 пәтер сатып алынды, залал келтірілген 815 үй жөнделді. Айта кету керек, көптеген тұрғындар жеке үйлерде қалғысы келді және олардың пікірлері ескерілді. Ағымдағы жылдың мамыр айында біз 153 жаңа үйдің құрылысын, сондай-ақ Арқалық қаласында 50 пәтерлі үйдің құрылысын бастадық. Бүгінгі таңда 57 үйге жаңа тұрғындар келді. Біз барлық жоғалған мүлікті толық қалпына келтіріп қана қоймай, зардап шеккендердің тұрғын үй жағдайын едәуір жақсарта алдық, – деді Қостанай облысының әкімі Құмар Ақсақалов.

Қостанай қаласында зардап шеккендер үшін 96 пәтер сатып алынып, 106 үйге жөндеу жүргізілді. Ал салтанатты жағдайда зардап шеккендерге арналған 10 жаңа үйдің кілті табысталды.

Айта кетейік, құрылыс үшін жаңа, әлеуетті «Қонай» ауданы таңдалды. Жаңа қоныстанушылар үшін тағы бір жағымды жаңалық жаңа мектеп құрылысының аяқталуы. Тұрғындар балаларына қаланың басқа аудандарына мектепке барудың қажеті жоқ екеніне риза.

Қостанай ауданында су тасқынынан Алтынсарин ауылы зардап шекті. Зардап шеккен тұрғындардың көпшілігі жердегі үйді облыс орталығындағы абаттандырылған пәтерлерге ауыстыруды жөн көрді. Бірақ Алтынсаринда қалуға шешім қабылдағандар да бар.

Бүгін де табиғаты әсем жерде, қайың мен шыршаның арасында «Таза бұлақ» жаңа шағын ауданы бой көтерді. Рекордтық мерзімде, атап айтқанда 38 күнде салынған 21 үй өзінің жаңа қожайындарын қарсы алды.

«Біз шынымызды айтсақ, бәрі тез болады деп күткен жоқпыз. Кем дегенде күзде жаңа үйге кіруге үміттендік. Содан кейін небәрі 38 күнде үй дайын болды дегенде таң қалдық. Бұл, әрине, біздің биліктің үлкен еңбегі, сондықтан адамдарға барлық қажетті көмек көрсетіліп, тұрғын үймен қамтамасыз етілді. Тіпті біздің мысығымыздың өзі жаңа үйге қуанып жатқан сияқты» – дейді Алтынсарин ауылының тұрғыны Кристина Гнилякова.

Естеріңізге сала кетейік, Амангелді, Жангелдіин және Қостанай аудандарындағы 89 үй «Қазақстан халқына» қоғамдық қорының қайырымдылық көмегі есебінен салынған.

Қор төрағасының орынбасары, Басқарма мүшесі Ләззат Шыңғысбаеваның айтуынша, су тасқынынан зардап шеккен ауыл тұрғындарына көмектесу туралы шешім ойланбастан қабылданған. Ол Мемлекет басшысының көмек көрсету туралы үндеуіне жауап берген барлық жанашырларға алғысын білдірді.

Бақыт ТҰРАШ