Қостанай облысында геосаяси оқиғаларға байланысты өнеркәсіптің өсуі 6%-ға төмендеді. Бұл туралы облыс әкімдігінде өткен жиналыста айтылды.

Дегенмен тоғыз айдың қорытындысы бойынша әлеуметтік-экономикалық дамудың барлық көрсеткіштері бойынша оң динамика байқалады. Бұл туралы Қостанай облысының әкімі Құмар Ақсақалов аппараттық кеңесте айтты.

Өнеркәсіптің 3–6%- ға төмендеуі логистикадағы қиындықтарға байланысты: жүктерді шет мемлекеттердің аумақтары арқылы жөнелту және жеткізу қиынға соғады. Бұл бағытта қазірдің өзінде шаралар қабылдануда.

Мысалы, металлургия саласында болат прокатының көлемі 7,5%-ға ұлғаяды, сондай-ақ тракторлар өндірісі 10%-ға өспек. Ауыл шаруашылығы техникасына қатысты, облыста Беларусь тракторларына арналған кабиналар өндірісі басталды. Жыл соңына дейін 250-ден астам кабинаны шығару жоспарлануда.

Осы жылдың қыркүйек айында шойын құю зауытының техникалық іске қосылуы жүргізілді. Биылғы жылы үш мың тоннадан астам өнім шығару жоспарлануда.

— Сондай-ақ, егін жинау науқанының алдын ала қорытындылары қолайлы жағдайды көрсетеді, сондықтан тамақ өнеркәсібінің өсуіне баса назар аудару қажетБасқарудың қол режиміне өтіп, ауыл шаруашылығы өнімдерін өңдеумен айналысатын кәсіпорындарға көмектесу керек. Мысал ретінде, қазір «Баян Сұлу» кәсіпорны валюта бағамын демпинг жасайтын және пайдаланатын импорттық өндірушілер тарапынан үлкен қысымға ұшырауда. Сондықтан компанияны ұйымдастырушылық әдістермен қолдау қажет. Вагондармен қамтамасыз ету, логистикаға көмектесу және тағы басқа сияқты, – деп атап өтті өңір басшысы Құмар Ақсақалов.

Ол өндірісті әртараптандыру да маңызды екенін атап өтіп, өңірлердің әкімдеріне жаңа әлеуетті инвесторларды тұрақты негізде пысықтауды тапсырды.

Бақыт ТҰРАШ