Қостанай облысының әкімі Құмар Ақсақалов пен Beeline Қазақстанның Бас директоры Евгений Настрадин 15 ауылда сапалы ұялы байланысты қосты.

Бұл – өңірдің барлық ауылдық аумақтарын сапалы байланыспен және интернетпен қамтамасыз ету бойынша ауқымды жобаның алғашқы кезеңі.

Телекоммуникациялық теңсіздікті жою үшін 2023 жылы Қостанай облысының әкімдігі Beeline Қазақстан компаниясымен меморандумға қол қойған болаты.

Осылайша, биыл бірінші кезекте цифрландыруға түскен ауыл тұрғындарымен телекөпір өтті. Желтоқсан айында жаңа байланысқа 15 ауыл қосылды. Станцияларды кезең-кезеңімен іске қосу арқылы 2025 жылғы ақпанда 44 ауыл тұрақты 4 G байланыспен қамтылады.

Телекөпірге Первомайское, Гурьяновское, Ворошиловка, Қарынсалды, Горняк, Қараоба, Васильевка және басқа да ауылдардың тұрғындары қатысты. Телекөпірдің екінші жағында тұрғындарды Қостанай облысының әкімі Құмар Ақсақалов пен «Кар-Тел»ЖШС Бас атқарушы директоры Евгений Настрадин құттықтады.

–2026 жылдың соңына қарай біз облыс ауылдарын 100 пайызын жоғары технологиялық байланыспен қамтуды жоспарлап отырмыз. Бұл ел бойынша белгіленген мерзімнен асып түседі. Интернетті неғұрлым тез жоғары деңгейге көтерсек, ауыл тұрғындарының өмір сүру сапасын тезірек жақсартамыз, – деді облыс әкімі Құмар Ақсақалов.

Жоба облыс әкімідігінің бастамасымен жүзеге асырылды және оның елде баламасы жоқ. Телекөпір облыс әкімдігі мен телекоммуникациялық компанияның жаңа келісімге қол қоюмен аяқталды. Өңірде жаңа байланыс технологиясын дамытуға барлығы 4,4 миллиард теңге бөлінді.

Бақыт ТҰРАШ, суреттер Қостанай облысы әкімінің баспасөз қызметінен алынды