Қостанай облысының әкімі Құмар Ақсақалов жұмыс сапарымен Меңдіқара ауданына барды. Мұнда Степанов ауылында өңірдегі ең алғашқы замануи сүт фермасы ашылды. Жалпы 2028 жылға дейін облыста барлығы 30 жаңа сүт фермасын салу жоспарлануда. Бұл бүкіл аграрлық саланың дамуына серпін береді.
Мемлекет басшысының тапсырмасына сәйкес алдағы жылдары агроөнеркәсіптік кешендегі өңделген өнімнің үлесін 70%-ға дейін жеткізу қажет.
Алдағы уақытта шикізат бағытынан ауыл шаруашылығы өнімдерін қайта өңдеуге көшу жоспарланып отыр. Осы мақсатта облыста қазіргі заманғы сүт фермаларының құрылысы жүргізілуде. Оларды іске қосу ұйымдасқан шаруашылықтарда сүт өндіруді 43 мың тоннаға ұлғайтады.
Солардың бірі – 1 200 басқа арналған «Восток-1» жаңа сүт-тауар фермасы. Құны 6,2 млрд теңге болатын жоба жылына 9,7 мың тонна сүт өндіретін болады.
Мұнда 50 жаңа жұмыс орны құрылды.
Барлық өндірілген сүт «Милх» ЖШС-де сатылатын болады.
Өткен жылдың тамыз айында Даниядан 400 бас голштино-фриз тұқымды ірі қара жеткізілді.
Осы жыл ішінде тағы 800 бас әкелінеді.
Сонымен қатар, ағымдағы жылдың наурыз айында екінші жалғасының құрылысы басталады.
Жалпы, сүт-тауар фермаларын салу Ауыл шаруашылығын дамытуға қуатты серпін береді, азық-түлік тұрақтылығын қамтамасыз етеді және облысымыздың экономикасын нығайтады.
–2028 жылға дейін барлығы 30 жаңа сүт-тауар фермасын салу жоспарлануда, бұл бүкіл аграрлық саланың дамуына серпін береді.
Меңдіқара ауданында тағы бір ферма салынып жатыр. Ол Каменскуральское ауылындағы құны 4,3 млрд теңге болатын 1200 басқа арналған сүт-тауар фермасы. Осы өндірісте 30 жаңа жұмыс орнын құру жоспарлануда, қайта өңдеу қуаты жылына 6,7 мың тонна сүтті құрайды. Бүгінгі таңда монтаждау жұмыстары аяқталды, ішкі әрлеу жұмыстары жүргізілуде. Ферманы 2025 жылдың желтоқсанында пайдалануға беру жоспарлануда, – деді облыс әкімі Құмар Ақсақалов.
— Сүт-тауар фермасын ашу қайта өңдеу кәсіпорындарының толық жүктемесін қамтамасыз етуге, сүт өнімдерінің ассортиментін кеңейтуге, сондай-ақ жергілікті халықтың жыл бойы жұмыспен қамтылуын қамтамасыз етуге мүмкіндік береді, – деді «Қарқын» ЖШС басшысы Еркін Бұқанов.
Бұдан соң өңір басышсы осы ауылдағы ауызсумен қамту нысанына барды.
— Ел Президенті ауылдарды дамытуға, атап айтқанда инфрақұрылымды жақсартуға ерекше назар аударады. Жылдан жылға біз Мемлекет басшысының ауыл халқын сапалы ауыз сумен 100% қамтамасыз ету жөніндегі тапсырмасын сенімді орындаймыз. Бұл мақсатқа биыл қол жеткізетін боламыз.
Осы мақсатта облыс бойынша 40 жобаны іске асыруға 8,5 млрд теңге бөлінді. Қосымша тағы 6 жобаны іске асыруға біз 3 млрд.теңгеден астам қаражат бөлінеді. Біз үшін ең маңызды міндет – елді мекендерді сумен қамтамасыз ету ғана емес, сонымен қатар үйлерге су жеткізу, – деді Қ. Ақсақалов.
Осы маңызды міндетті орындау қадамдарының бірі Степанов ауылында сумен жабдықтаудың тарату желілерін салу болды.
Су құбырының ұзындығы 38 шақырымнан асады, ал жобаның құны – 1,9 млрд.теңге.
Су құбыры Степанов, Иванов және Лесное ауылдарының шамамен 1,5 мың тұрғынын ауыз сумен қамтамасыз етеді.
Бұл ауылдағы өмірді жақсартудағы маңызды қадамы болмақ.
Сонымен қатар, су құбырының іске қосылуымен ауыл шаруашылығын, бизнесті және инфрақұрылымды дамыту үшін жаңа перспективалар ашылады.
Бұдан соң облыс әкімі Харьков ауылындағы спорттық нысанның ашылуына қатысты.
— Біздің облыста спорттық инфрақұрылымды дамыту бойынша жұмыстар жүргізілуде. Өткен жылы 10 спорт нысаны салынды, биыл тағы 5 нысанның құрылысы жалғасуда, – деді өңір басшысы Құмар Ақсақалов.
Қазіргі таңда облыста 7 қысқы спорт түрі белсенді дамып келеді: шаңғы жарысы, шорт-трек, конькимен жүгіру, керлинг, мәнерлеп сырғанау және биатлон.
Ол үшін барлық қажетті инфрақұрылым бар: 3 мұз сарайы, коньки тебу стадионы, 36 шаңғы базасы және 77 хоккей корты.
Әрине, қысқы спорттың негізгі бағыттарының бірі балалар хоккейін дамыту болып табылады.
Жақында ғана жаңа спорт нысаны – «Сілеусін» хоккей академиясы ашылды, онда жас спортшыларды даярлауға барлық жағдай жасалған.
— Бүгін біз ауданы 2 мың шаршы метрден асатын жаңа хоккей кортын ашамыз. Құны 253 млн теңге болатын бұл маңызды нысанның құрылысы «Ауыл-ел бесігі» бағдарламасы аясында жүргізілді. Хоккей кортын енгізудің арқасында күн сайын 60 адам хоккей және мәнерлеп сырғанаумен айналыса алады, – дейді өңір басшысы Құмар Ақсақалов.
Сонымен қатар, жазда нысанды жазғы мини-футбол, баскетбол және волейбол ойындары үшін пайдалануға болады.
— Осындай маңызды нысанның ашылуы бұқаралық спорттың одан әрі дамуына ықпал ететініне және бүкіл ауданның спорттық өмірінің орталығына айналатынына сенімдімін, – деді облыс әкімі Қ. Ақсақалов.
Бақыт ТҰРАШ, суреттер Қостанай облысы әкімінің баспасөз қызметінен алынды
