Bıyl Qarabalyq aýyl sharýashylyǵy tájirıbe stansasynyń (ASHTS) qurylǵanyna 90 jyl toldy. Osyǵan oraı halyqaralyq alqap kúni atap ótildi. Astyqty mekenniń mereıtoıy keń kólemde uıymdastyrylǵan.

Mereıtoı qarsańynda tájirbıe stansasynda omarta sharýashylyǵy qolǵa alynǵan bolatyn, endi bul isti Qazaqstannyń omartashylar odaǵynyń qoldaýymen damytý josparlanyp otyr. Odaq sýbsıdıalaýǵa kómek kórsetip qana qoımaı, sondaı-aq bal arasyn ósirý boıynsha asyl tuqymdy iri zaýyt qurýǵa kómektesýge nıetti. ASHTS úshin jańa baǵyt tozańdandyrý arqyly qaraqumyq ónimin 60-65% — ǵa, kúnbaǵys 40-45% — ǵa, sonymen qatar basqa da daqyldardyń ónimdiligin arttyrý kózdelip otyr.

Stansa mereıtoıyna arnalǵan is-sharaǵa Qazaqstan men Reseıden taýar óndirýshileri arnaıy keldi. Olar aýyl sharýashylyǵy tehnıkalarynyń kórmesi men ǵylymı stansanyń alqaptaryn aralap, jańa sorttardyń ósimin kórdi. Sonymen qatar, naryqta dáleldengen ár túrli dándi daqyldardyń 70 sortymen tanysty.