Jitiqaradan Qamystyǵa kógildir otyn tartý iri jobasy 2009 jyly qolǵa alynǵan bolatyn. Ol joba aýdan ortalyǵyn ǵana qamtydy. Endi mine, araǵa on jyl salyp, aýdan ortalyǵy arqyly aýyldarǵa gaz qubyryn taratý jumystary qaıtadan jańǵyrtylyp otyr, dep habarlaıdy «Qostanaı tańy» gazeti.

Shalǵaı óńirdegi budan bólek aýyz sý, jol, basqa da salalardaǵy qolǵa alynǵan jumystar jaıynda Qamysty aýdanynyń ákimi Ǵazız Bekmuhamedov tilshilermen bolǵan baspasóz jıynynda baıandady.

— Gaz taratý jumystary 3 jylǵa josparlanǵan. Oǵan respýblıkalyq jáne qosymsha oblystyq búdjetten 2 mlrd 90 mln teńge qarajat qarastyrylyp otyr. 107,6 mln teńgeden astam qarjyǵa Qamysty-Altynsarın joǵary qysymdy gaz qubyryn salý josparda. Jol-jónekeı kógildir otyndy Bestóbe aýylyna da kirgiziledi. Aldaǵy ýaqytta 700 mln teńge bólinedi. Qalǵan qarjyny ıgerý odan keıingi jylǵa josparlanǵan. Budan ári avtomatty gaz taratý stansıalary óris alyp, barlyq selolarǵa tabıǵı otyn qubyry tartylatyn bolady, — dedi Qamysty aýdanynyń ákimi Ǵazız Bekmuhamedov.