Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Жоба жандана түспек

Oblys ákimi Arhımed Muhambetovtiń tóraǵalyǵymen ótken selektorlyq jıynda «Aýyl – el besigi» memlekettik baǵdarlamasynyń óńirdegi oryndalý barysy týraly sóz boldy.

Aldymen oblys ákimdiginiń ekonomıka jáne búdjettik josparlaý basqarmasynyń basshysy Gúlbaram Musaǵazına «Aýyl – El besigi» jobasyn iske asyrý týraly baıandady. Esterińizde bolsa, ústimizdegi jyly Memleket basshysynyń «Nur Otan» partıasynyń XVIII sezinde «Aýyl – El besigi» jobasyn iske asyrý týraly aıtqan edi. Jobanyń basty maqsaty — aýyldyq jerlerdegi ómir súrý sapasyn jaqsartý, selolyq okrýgterdiń áleýmettik ortasyn jańǵyrtý ekendigi belgili. Osy maqsattarǵa 2019 jyly respýblıkalyq búdjetten 30,0 mlrd teńge bólindi.

Basqarma basshysynyń aıtýynsha, jobany júzege asyrýdyń alǵashqy jylynda iri eldi mekenderge basa nazar aýdarylǵan. Jobaǵa bes aýdan ortalyǵy qatysady. Atap aıtqanda óńirdegi 548 aýyldyń ishinde 41 myńnan astam adam turatyn Áýlıekól, Qarasý, Borovskoı, Sarykól jáne Fedorov aýyldary osy tizimge enip otyr.

Bıyl «Aýyl – el besigi» jobasy aıasynda 2,3 mlrd teńgege baǵalanǵan 46 joba júzege asyrylady. Olar – mektepterdi, mektep janyndaǵy ınternattardy, balabaqshalardy, qosymsha bilim berý uıymdaryn, mádenıet úılerin, kitaphanalardy, stadıondardy, aýdandyq aýrýhanalar men emhanalardy kúrdeli jáne aǵymdaǵy jóndeý, sondaı-aq kentishilik joldardy ortasha jóndeý sıaqty aýqymdy jobalar. Barlyq jumysty tamyz aıynan qarasha aıyna deıin aıaqtaý qarastyrylǵan. 15 joba tolyǵymen aıaqtalǵan. 31 joba boıynsha jóndeý jumystary jalǵasyp jatyr. Búgingi kúni 800,0 mln teńge nemese bólingen qarajattyń 35% ıgerilgen. Ásirese, Qarasý, Sarykól aýdandarynda tıisti qarjyny ıgerýge qatysty kórsetkish tómen — 24,1% jáne 24,9%.