Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Atqarǵan jumys az emes

Sarykól aýdanynyń ákimi Amantaı Balǵarın óńirlik BAQ ókilderine aýdannyń 9 aıdaǵy áleýmettik-ekonomıkalyq damý qorytyndylaryn baıandap berdi.

Bıyl aýdandaǵy aýyl sharýashylyǵynyń jalpy ónimi 15 mlrd teńgege jetken, onyń ishinde 9 mlrd teńgesi ósimdik sharýashylyǵyna, 6 mlrd teńgesi mal sharýashylyǵyna tıesili. Osy salany damytý úshin memleket tarapynan 1,4 mlrd teńge kólemindegi sýbsıdıa bólingen. Bul somanyń 816 mln teńgesi ósimdik sharýashylyǵyna baǵyttalsa, jańa tehnıka satyp alýǵa 590 mln teńge jumsalǵan.

«Mal sharýashylyǵy salasynda et, sút jáne jumyrtqa óndirý kólemi artty. Soıýǵa ótkizilgen mal men qustyń barlyq túrleriniń jalpy salmaǵy 5063 tonna boldy. Óndirilgen sút kólemi – 17 687 tonna. Bul ótken jyldyń kóleminen 8% artyq», — deıdi Sarykól aýdanynyń ákimi Amantaı Balǵarın.

Sarykóldikter memlekettik baǵdarlamalar usynǵan ıgilikterdi de tıimdi paıdalanyp keledi. Máselen, «Eńbek» baǵdarlamasy aıasynda memleket qazynasynan 160 mln teńge qarastyrylǵan.

«Aýyl – el besigi» arnaıy jobasy da jemisin berýde. Aıtalyq, ortalyq aýdandyq aýrýhananyń ǵımaraty osy joba aıasynda 62 mln teńgege jóndeldi. Munymen qosa, Novoýrıskı jáne Ó.Sultanǵazın atyndaǵy orta mektep 277 mln teńgege kúrdeli jóndeýden ótken. Taǵy, Óner mektebiniń ǵımaraty da 5 mln teńgege jańartylyp jatyr. Keler jyly Komsomol. Taǵyl orta mektepterin jóndeý josparda bar. «Eldi mekenderde aýyzsý máselesin túbegeıli sheshýge de den qoıyldy. Bıyl Zlatoýst aýylyn ortalyqtandyrylǵan aýyzsýmen qamtý jumystary aıaqtaldy. Nátıjesinde 890 turǵynnyń tirshilik nárine qoly jetti, — dedi Sarykól aýdanynyń ákimi Amantaı Balǵarın. — 269 mln teńge jol jóndeýge jumsaldy. Oǵan aýdandyq mańyzdaǵy jáne kóshe joldary tegisteldi. Keler jyly da Qoskól-Komsomol baǵytyndaǵy jáne Ýrojaınyı aýylyna baratyn joldar jóndelmek».