Қостанай облыстық ауруханасында ең жоғары дәлдікпен көрсететін МРТ аппараты іске қосылды. Бұл аймақтағы денсау­лық сақтау саласын ілгерлете түсетін ең қажетті жабдықтың бірі.

Аймақ басшысы Архимед Мұхамбетов облыстық ауруханада Денсаулық сақтау басқармасының өкілдерімен, аппарат жеткізушілерімен және облыстық аурухананың дәрігерлерімен кездесті.

Siemens Германия өндірген Magnetom Sempra томографы, қуаты 1,5 ТсЛ. Аппарат жергілікті бюджет қаражаты есебінен сатып алынды.

«Жаңа аппарат ескірген және жиі істен шығатын ескіні МРТ-ны алмастыруға көмектеседі. Ең бастысы, жаңасында біз магниттік-резонанстық зерттеудің барлық түрлерін жүргізе аламыз. Бұл бірінші кезекте ми қан айналымының жіті бұзылуы бар пациенттер, сондай-ақ нейрохирургиялық және травматологиялық бейіндегі пациенттерді қарауға көмектеседі, – деді бас дәрігер Юрий Моисеев.

Жүйенің барлық қосымшаларында жоғары және тұрақты кескін сапасы клиникалық әмбебаптықпен үйлеседі, бұл МРТ қолдану аясын кеңейтуге және оны дененің барлық бөліктеріндегі МРТ үшін қолдануға мүмкіндік береді».

Денсаулық сақтау басқармасының басшысы Рүстем Айтба­евтың айтуынша, пандемия кезеңінде облыстың медициналық ұйымдарын материалдық-техникалық қамтамасыз етуге 12,4 млрд теңге бөлінді.

2 бірл.МРТ, 8 бірл. КТ, 37 бірл. УДЗ, 8 бірл. цифрлық маммографиялық рентген жүйелері, 22 сандық рентген жүйелері, оның ішінде 9 бірл. цифрлық жылжымалы рентген жүйелері, 15 бірл. флюорографиялық рентген аппараттары, сондай-ақ реанимацияға арналған жабдықтар (ЭКГ, төсек жанындағы мониторлар, шприцті, инфузиялық сорғылар, реанимациялық кереуеттер және т. б.) сатып алынды.

МРТ аппараттарымен жаб­дықтау 3 есеге, компьютерлік томографтармен 2 есеге, сандық рентгенмен 1,5 есе артып отыр.

Қазіргі уақытта облыста 16 компьютерлік томограф жұмыс істейді. Бұл бағыттағы жұмыстар 2022 жылы да жалғасатын болады.