Еженедельная региональная аграрная общественно-политическая газета, г.Костанай, ул.Тәуелсіздік 83, Офис 623, 54-08-30, 91-78-51 kostanay-agro@mail.ru

Мы в соцсетях

Халықты толғандырған мәселе көп

Қостанай облысының әкімі Меңдіқара және Ұзынкөл ауданының тұрғындарымен кездесті. Бұл туралы Қостанай облысы әкімінің баспасөз қызметі хабарлады.

Аймақ басшысы Архимед Мұхамбетовке Меңдіқара және Ұзынкөл аудандарының тұрғындары сұрақтарын қойып, оларға жауап алды. Аудан тұрғындары өздерін толғандыратын өзекті мәселелерді көтерді.

Архимед Бегежанұлы кездесуден соң ауыл азаматтарын жеке мәселелері бойынша да қабылдады. Азаматтарға ыңғайлы болу үшін Меңдіқара ауданында облыс басшысымен кездесу офлайн, сондай-ақ онлайн-режимде ұйымдастырылды. Кездесуге барлығы қосылды, өйткені әлеуметтік желілер арқылы тікелей трансляция жүргізілді.

Ауыл тұрғындары көтерген мәселелердің көбісі ауызсумен қамтамасыз ету, жолдарды, мектептер мен басқа да әлеуметтік нысандарды жөндеуге қатысты болды. Кездесу соңында аудан әкіміне, облыстық басқарма басшыларына тиісті тапсырмалар берілді.

Проблемалық мәселелерден бөлек, меңдіқаралықтардың да мақтан тұтатын нәрселері бар. Тек 2021 жылы ауданда 10 ауылдың көшесі күрделі жөндеуден өтті. Степанов, Архипов және Михайлов ауылдарында су тарату желілері мен жабдықтау орталықтары салынды.

Бұдан соң облыс әкімі Первомайское ауылына барды, оның тұрғындары тозығы жеткен ауыл көшелерін жөндеу туралы өтініш білдірді.

Первомайское ауылының тұрғыны Светлана Дядюшконың айтуынша, Парковая көшесінде көп жылдар бойы жөндеу жүргізілмеген.

— Мен бұл ауылда бала кезімнен тұрамын. Біздің проблемамыз назардан тыс қалмайды деп сенемін. Мұнда 1 655 адам тұрады. Парковая-орталық көше. Бұл жолда балалар мектепке барады, бірақ қазір жүру мүмкін емес! — дейді ол. Облыс әкімі жолды 2022 жылы жөндеуді тапсырды.

Одан кейін Архимед Мұхамбетов Ұзынкөл ауданының тұрғындарымен кездесті. Екі мәселелері ұқсас. Өңір әкімі Ұзынкөл тұрғындарының барлық сұрақтарына жауап берді. Ауданда сумен жабдықтау, жол сапасы, орталықтандырылған жылумен қамту және басқа да мәселелер өзекті әлі де өзекті.

Айта кету керек, Ұзынкөл ауданында халықтың өмір сүру сапасын жақсарту үшін көптеген жұмыс атқарылуда. Өткен жылы ауданның сумен жабдықтау жүйесін дамытуға 1 млрд 145 млн теңге бөлінді. Нәтижесінде орталықтандырылған сумен жабдықтау 82,8% — ды немесе 16,0 мыңға жуық адамды құрады.

Сондай-ақ, 2021 жылы Абай және Миролюбов ауылдарының арасында орналасқан ұзындығы 6,722 шақырым Ұзынкөл магистралды су құбыры жөнделді. Жобаны іске асыру нәтижесінде 9,5 мың халқы бар 7 ауыл үздіксіз сумен қамтамасыз етілді.

Аудан орталығында «Ауыл — ел бесігі» бағдарламасы аясында жаңа ДСК салынды, оны іске асыруға шамамен 470 млн теңге жұмсалды. Осының арқасында күн сайын 200-ден астам бала спорттық секциялар мен үйірмелерге тегін қатысады.

Архимед Мұхамбетов Ұзынкөл ауданындағы Ершовка ауылының тұрғындарымен кездесті. Ауыл тұрғындары мәдени-бұқаралық іс-шараларды өткізу үшін ғимараттың жоқтығына шағымданды. Тұрғындар балалардың шығармашылықпен айналысатын жері жоқ екенін айтты. Сондықтан олар жаңа ауылдық мәдениет үйін салу мәселесін көтеріп отыр.

Облыс әкімі жаңа мәдениет үйі биыл салынады болуы деп жауап берді. Болашақта ол барлық ауыл тұрғындары үшін шығармашылық және бизнес-идеяларды жүзеге асыратын орынға айналмақ.

Кездесу барысында Ершовка тұрғындары ауыл тұрғындары үшін маңызды мәселе — сумен жабдықтау туралы сұрақ қойды.

Олардың айтуынша, 2019 жылы бұл жұмыс сәтті басталған, тек қазір жұмыс баяу жүріп жатыр. Архимед Бегежанұлы аудан әкіміне және энергетика және тұрғын үй-коммуналдық шаруашылық басқармасының басшысына аталған мәселені ерекше бақылауға алуды тапсырды.

Әлеуметтік нысандарды жөндеуден басқа, ауыл тұрғындарын азық-түлік бағасының өсуі де толғандырады. Облыс әкімі шағын-маркетке барып, онда әлеуметтік маңызы бар азық-түлік тауарларының бағасын жеке өзі тексеріп, халықты бағаны ұстап тұру үшін 4,8 млрд теңге бөлінгені туралы хабардар етті.

Тұрақтандыру қорында 5,5 мың тонна көлемінде 13 атау бойынша азық-түлік қоры бар. Бағаларды тұрақтандыру үшін «айналым схемасы» шеңберінде «Poultry-Agro» ЖШС-не 860 теңге тіркелген бағамен халыққа 200 тонна тауық етін сату үшін қарыз берілді, оның ішінде Ұзынкөл ауданы бойынша 3 тоннаға жуық тауық еті бар.

Әлеуметтік нанның бағасын тұрақтандыру үшін тұрақтандыру қорынан ұн наубайханаларға белгіленген бағалар бойынша сатылады, бұл 1-сұрыпты ұннан жасалған нанның құны 90 теңге деңгейінде ұстап тұруға мүмкіндік береді.

Кездесуден кейін өңір басшысы аудан әкімдеріне аудандарды дамыту мен абаттандыру, халықты жұмыспен қамту мәселелеріне ерекше назар аударуды тапсырды.