Республиканың ең белсенді ауыл әйелдері бас қосып, ауылдың тұрақты дамуына қатысты сындарлы ұсыныстарын білдіре алатын форум осымен алтыншы рет өткізіліп отыр.
«Ауыл әйелдерінің форумы» әйелдер кәсіпкерлігін дамыту және ауыл тұрғындарын нәтижелі жұмыспен қамту арқылы ауылдың әл-ауқаты мен тұрмыс сапасын арттырудың жолдарын іздейтін, бастамаларды талқылайтын алаңға айналды.
Көшбасшы әйелдердің қатысуымен өткен шаралар марафоны Қостанайдан бастау алды. Бұл жиында Ақмола, Ақтөбе, Қостанай және Солтүстік Қазақстан облыстарының өкілдері бас қосты. Осынау ауқымды жұмыстың нәтижесі биылғы қараша айында Астанада барлық облыстардан келген делегациялардың қатысуымен өтетін ауыл әйелдерінің VII республикалық форумы болмақ.
— Соңғы алты жылда аймақтарда ауылдық әйелдер форумын өткізу дәстүрге айналды. Жеке шаруа қожалықтарының дамуын, мемлекеттік бағдарламалардың жаңалықтарын, әлеуметтік саладағы жетістіктерді бас қосып, талқылап жатырмыз. Форумға қатысушылар Coca-Cola Belesteri жобасының бизнес негіздері және Farmer school онлайн фермерлік шаруашылығы бойынша тренингтер арқылы практикалық білім алады», – деп түсіндірді Қазақстан ауыл әйелдері форумын ұйымдастыру комитетінің төрайымы, Парламент Мәжілісінің депутаты Майра Айсина.
Форумға келген 200-ге жуық қонақтың ішінде кәсіпкерлер мен әлеуметтік нысандардың өкілдері бар. Қатысушылардың одан да көп саны Қостанайдағы форумға онлайн қосылды. Кәсіпкерлер еңбегінің жемісін жыл сайынғы «Coca-Cola белестері» байқауының жеңімпаздары мен Қостанай облысының қолөнершілерінің қатысуымен ұйымдастырылған өнім жәрмеңкесінде көруге болады. Қонақтар қолдан жасалған зергерлік бұйымдарды, қолөнер, сүт өнімдерін, ойыншықтарды, үй тоқыма бұйымдарын және сәндік бұйымдарды сатып алуға мүмкіндіктері болды.
Өңірлік форумдардың нәтижесі қарашада Астанада өтетін Қазақстан ауыл әйелдерінің VII республикалық форумы алаңында әр облыстан келген делегаттардың қатысуымен өтеді.
«Қазақстан ауыл әйелдерінің форумы-республикалық деңгейде ауыл тұрғындарының дауысын ілгерілету үшін өзін танытқан алаң. Форум 6 рет республикалық деңгейде өткізіліп, 2019 жылдан бастап өңірлерде де өткізіліп келеді. Биыл біз елдің барлық өңірлеріне барып, үлкен жұмыс жасадық. Қазір бізді біріктіретін және мұқият назар аударуды қажет ететін мәселелерді көрсету үшін біз күш біріктіруге дайынбыз. Әрине, жалпы міндеттер көп, бұл бізді біртұтас және жақсы нәтижеге жетуге сенімді етеді», – деді форумның ұйымдастыру комитетінің төрағасы, Қазақстан Республикасы Парламенті Мәжілісінің ІV, V, VI шақырылымдарының депутаты Майра Айсина.
«Кока-кола белестері» жобасының барлық қатысушылары арасында жүргізілген сауалнамаға сәйкес, бағдарламада тегін оқудан өткен қатысушылардың 13% – дан астамы қаржыландыруды тарту мүмкіндіктерін өз бетінше іздеді, бұл 3 мыңнан астам шағын кәсіпорындардың ашылуына немесе дамуына және 7 мыңнан астам жұмыс орындарын құруға ықпал етті. Бұл – еліміздегі әйелдер кәсіпкерлігін қолдау үшін осы бағдарламаның маңыздылығы мен тиімділігінің басым дәлелі.
«11 жыл бойы жұмыс істеп келе жатқан Кока-кола белестері жобасы маркетинг, сату, интернет арқылы өнімді жариялау, серіктестер мен инвестицияларды іздеу, шағын бизнес үшін қаржы сияқты әртүрлі білім беру бағыттары бойынша тегін қолдау көрсете отырып, жаңадан бастаған және қазірдің өзінде жұмыс істеп жүрген кәсіпкерлерге пайдалы. Ол әйелдерді табысты кәсіпкер болуға, бизнесті дамытуға және елдегі әлеуметтік-экономикалық өсуге ықпал етуге шақырады», – деді Орталық Азия және Кавказ елдеріндегі Coca-Cola компаниясының Корпоративтік байланыстар және коммуникациялар жөніндегі менеджері Александра Аккирман.
Бақыт ТҰРАШ, суреттер Қостанай облысы әкімінің баспасөз қызметінен алынды
