Memleket basshysy Qasym-Jomart Toqaev Qostanaı oblysynyń ákimi Arhımed Muhambetovty qabyldady. Bul jaıynda aımaq basshysy óziniń ınstagramdaǵy paraqshasynda jazdy. 

«Kezdesý barysynda 2019 jyldyń 7 aı ishindegi óńirdiń áleýmettik-ekonomıkalyq damýy, sondaı-aq óńirdegi astyq jınaý jumystaryna daıyndyq barysy, agroónerkásip kesheniniń damýy jáne mashına jasaý salasyndaǵy ınvestısıalyq jobalardy júzege asyrylýy jóninde baıandadym. Kezdesý qorytyndysy boıynsha Qazaqstan Prezıdenti birqatar naqty tapsyrmalar berdi, atap aıtqanda Arqalyq qalasynyń jylýmen qamtý júıesin qaıta jóndeý boıynsha usynys ázirleýdi tapsyrdy,» – deıdi aımaq basshysy.