Respýblıka boıynsha bilim kúnine oraı «Mektepke jol» aksıasy bastaýyn alǵan bolatyn. Atalmysh ıgi sharaǵa qostanaılyqtar da belsendi atsalysýda. Máselen, oblystyq Aımaǵanbet qajy meshitinde «Mektepke jol» qaıyrymdylyq sharasy aıasynda myń balaǵa kómek kórsetildi.
Kóp balaly, turmysy tómen otbasylarynyń jáne múgedek balalardy oqý jyly aldynda mektep quraldarymen qamtý aksıasy jyl ótken saıyn qarqyn alyp keledi. Byltyr óńirimizde az qamtylǵan otbasylardan shyqqan 400 balaǵa oqýǵa qajetti qural-jabdyqtar taratylyp berilgen bolatyn. Bıyl bul san 1000-ǵa jetti! Búgingi oblys ortalyǵynda ótken qaıyrymdylyq sharasy barysynda júz oqýshy qural-jabdyǵy bar sómkelerge ıe boldy.
