Qazaqstan halqy Tilder kúni qarsańynda Qamysty aýdanynda «Til – barlyq bilimniń kilti» ataýymen saltanatty sharas ótti. Uıymdastyrýshy – aýdandyq tilderdi oqytý ortalyǵy.

Aýdan ákimdiginiń aparat basshysy Myrzamurat Bısembaev, ardagerler keńesiniń tóraǵasy Seıitbek Esembaı jınalǵan jurtshylyqty quttyqtap, jyly lebizderin jetkizdi.

«Qazaqstan — kóp ultty memleket. Kóp ultty memleket úshin memlekettik til óte qajet. Memlekettik til-kóp ultty eldiń barlyq halqyn saıası-mádenı birlikke uıymdastyrýdyń basty quraly. Olaı bolsa, qazaq tilin jete bilý arqyly bizder óner men bilimniń, mádenıet pen ǵylymnyń bıigine jetip, óz halqymyzdyń ótken-ketkenin zerdelep, ony álemge tanyta alamyz. Óz tilimizdi qurmetteý arqyly basqa tildi de úırenip, mádenıetin qadirleımiz. Aýdanymyzda turatyn etnos ókilderiniń qatysýymen bir shańyraq astynda barlyq ulttarmen tatý-tátti ómir súrip jatqanymyzdy beıneleıtin «Birligi jarasqan Qazaqstan» atty qoıylym kórsetilip, ár ult óz tilinde merekemen quttyqtady. Sebebi dostyq bar jerde birlik tatýlyq bolady» deıdi tilderdi oqytý ortalyǵynyń dırektory Aınur Sagıdýllına.