Tótenshe jaǵdaılar departamenti óńir turǵyndaryna arnalǵan «Darmen» dep atalatyn tegin ári tıimdi mobıldik qosymshasyn qosýǵa keńes beredi. Atalmysh joba osy jyldyń kókteminde jumysyn bastaǵan bolatyn.

– Tótenshe jaǵdaılar týraly halyqty jyldam qulaqtandyrý úshin bıylǵy jyldyń 15 mamyrynan bastap, SMS qulaqtandyrýmen qatar tegin mobıldi «Darmen» qosymshasy iske qosyldy. Jobany otandyq kompanıa ázirlengen. «Darmen» iske qosý úshin Japonıa men AQSh elderiniń halyqty mobıldik qosymsha arqyly qulaqtandyrý tájirıbesi zerdelengen. Mobıldi qosymsha birneshe sekýnd ishinde halyqty oblys aýmaǵyndaǵy tótenshe jaǵdaı qaýpi men týyndaýy týraly jappaı aqparattandyrýǵa múmkindik beredi, — dep atap ótti vedomstvonyń baspasóz qyzmetindegiler.

Qazir «Darmen» tájirıbelik paıdalanýdan ótti. Ol habarlamalardy jedel jetkizýde burynnan qoldanylyp kele jatqan SMS qulaqtandyrýmen salystyrǵanda asa tıimdi ekenin kórsetti deıdi sala mamandary. Sapa bar jerde, suranys ta bar.

Búginde oblysymyzdyń myńdaǵan turǵyny osy qosymshany júktep alǵan. Qosymshany App Store jáne Plaý Market mobıldik telefondar úshin qondyrǵylar bóliminde «Darmen» ataýyn engizip júktep alýǵa bolady.